ای حیدری گوزدن آتان
دلبریم لایلای دلبریم لایلای
نار غم و هجره یانان
همسریم لایلای همسریم لایلای
سویلرم وای زهرا
دینجلدون دای زهرا
عمرونده خوش گون گورمدون
آغلارام یانام آغلارام یانام
سن زینبه طوی دوتمادون
یانام اوتلانام یانام اوتلانام
اوغلون حسیندن دویمادون
بیله تالانام بیله تالانام
گیتدی الیمدن سویلرم
کوثریم لایلای کوثریم لایلای
ای غنچۀ باغ نبی
غصه دن سولدون غصه دن سولدون
دائم بولوت تک ماتمه
وای منه دولدون وای منه دولدون
غصب اولدی حقون دائماً
باغریقان اولدون باغریقان اولدون
باشیمده هردور و زمان
افسریم لایلای افسریم لایلای
باشدان حسین و زینبی
سن نه تز آتدون قانوه باتدون
قویدون علینی بی کمک
کاموه چاتدون قبرده یاتدون
گوزیاشیمی بو غصه دن
سن قانا قاتدون حیدری آتدون
قالدی دعاده دائماً
اللریم لایلای اللریم لایلای
مجمرکیمی هجرونده من
روز و شب یاندیم روز و شب یاندیم
گیتدون یارالی قبروه
یاندیم اودلاندیم یاندیم اودلاندیم
آچ بیر گوزون محنتده باخ
گورنه تالاندیم گورنه تالاندیم
یاسه باتوبدی گورنجه
گوللریم لایلای گوللریم لایلای
کیم بس حسینون باشینون
اوسته سو قویسون حالینه یانسون
زینب لباس ماتمی
بس نجه سویسون جانینه دویسون
اوغلون حسن سنسیز گرک
گول کیمی سولسون خونجگر اولسون
هجرونده دوشدی لرزیه
پیکریم لایلای پیکریم لایلای
بو فانی دنیاده گوروب
چوخ بلا باشون چوخ بلا باشون
نه وار آنون نه وار آتون
یوخدی قارداشون یوخدی قارداشون
مونس سنه دائم اولوب
قانلی گوزیاشون قانلی گوزیاشون
هجرونده نالاندی شیرین
دیللریم لایلای دیللریم لایلای
گوز یاشلی یازدی (آذرین)
حالوه نوحه ؛ بیر نظر ایله
درد و غم و حاجاتی وار
قلبی مجروحه ؛ بیر نظر ایله
ویروخ قسم زهرا سنی
تشنه مذبوحه ؛ بیرنظرایله
دولدور محبتدن دیور
ساغریم لایلای ساغریم لایلای
- یکشنبه
- 16
- آذر
- 1399
- ساعت
- 19:6
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه