انبیا یوخدی‌ سوزوم‌جمله هُمایونیدی لَر
پاک و قِـدیسلیغه خالقه مَمنونیدی لَر
اولارین تک به تکی فاطمه مدیونیدی لَر
انبیـایه کـرمیـن شامـل اِئدن فاطمـه دی
اولارین‌ نـاقصینی کامل اِئدن فاطمـه دی

انبیـالرده چتیـن گـونـده دیـوب یـا زهرا
اولیـالرده چتیـن گـونـده دیـوب یـا زهرا
اوصیالرده چتیـن گـونـده دیـوب یـا زهرا
پس یقین خلقتی معنـا ائلییَن فاطمـه دی
انبیا نـامه‌سیـن امضـا ائلییَـن فاطمـه دی

فاطمه‌لطف اِئلسه شعریم‌اولار ناب‌و ثَقیل
عـالمی خلـق ائلیَـن وقتـه خـداوند جلیل
پنـج تن خلقتینه فـاطمـه نی اِئتدی دلیل
قطره‌ی‌ عشقی ‌بوشهزاده دوصد نیل ‌ائلیوب
خلقـتِ پنـج تنـی فـاطمـه تکمیل ائلیوب

بو آدیـن اَولینی خـالق اَعظم چاغیروب
پیک وحی آور، او جبریل مُعظم چاغیروب
هاجر و آسیـه ، سارائیله مریم چاغیروب
قلب داودی ائـدوب غم لـره منها زهرا
شِکـم ماهیـده یُونس چاغیروب یا زهرا

حضـرت آدم و حَـوا چاغیروب یا زهرا
شِیث و اِلیاسیلـه یحیا چاغیروب یا زهرا
قـان ایچینـده ذکـریـا چاغیروب یا زهرا
نـام زهرائیله جِبـریل ئوزی اعجاز ائلیور
گوج آلور فاطمـه‌دن گـویلره پرواز ائلیور

گـر سلیمـان نبی خِشتی مُـطلا ائلیـوب
یا کی یعقوب نبی قطـرهَ‌نی دریا ائلیـوب
یـا اگر مُـرده‌نی عیسـا دَمی احیا ائلیـوب
صدقیلـه دامـن زهـرانی دوتور تـا عیسا
مُـرده احــیـا ائلــینـده چاغـیـرور یـا زهرا