رقیه بیر بالا دی چوخ وفا سی وارخانمون
یتیمه قیزدی باشیندا بلاسی وار خانمون
اگر چه ظاهر حالی دوشوبدی قیمتدن
خدا یانیندا ولی چوخ بهاسی وار خانمون
اونون مقامینه تنها بو سوز کفایتدور
علينون اوغلي حسین تک آتاسی وارخانمون
اگریر اوسته او لوب کربلا بهشت برین
ولیک شامده عرش خداسی وار خانمون
خرابه قالدی ستم خانه ی یزید دنی
دمشقیده ولی عالی بناسی وار خانمون
نه شهر شامیده بلکه بو ملک ایراندا
دواسیز عاشقه دارالشّفاسی وار خانمون
نه دردوز اولسا اورکده اونا بیان ایلیون
دواسیز اولسادا دردوز دواسی وار خانمون
عذاره کیم توکه گوز یاش بو نازنین بالیا
يقين اونون دالسيجا دعاسی وار خانمون
آچوخدی سفره احسانی ایستین لرینه
بو خوان عشقیده شاه و گداسی وارخانمون
رقیّه آدینا کیم صدقیلن توسّل ایده
وار اعتقادیم اونا اعتناسی وارخانمون
واراحتیاجی کیمون سسلسون گوزل آدینی
گورونسون اوندا نه لطف وعطاسی وارخانمون
هایاندا اولسا اونون بزم ماتمی بر پا
او بزم عشقیده بیرآشناسی وار خانمون
عیان دیوم سوزومی قاره پوش عزاداره
گوزل بیرعاشق بی ادّعاسی وارخانمون
او طفله عشقی چوخیدی یازوللار عبّاسين
عموي با شرف و دلرباسی وار خانمون
هایاندا واردور عزاسی بو سوز مسلم دور
او بزم یاسیده صاحب لواسی وارخانمون
قاپی یانیندا ایاق اوسته دور ابافاضل
گلوب عزا سینه صاحب عزاسی وار خانمون
اگر چه باغلیدی قولّاری ظالمون ایپینه
عموسی تک ید مشکل گشاسی وار خانمون
اولوبدي گرچه بو قيز مبتلا آتا غمينه
ولي گورون نقدر مبتلاسي وار خانمون
دمشقه سال یولوی گورحریم عشقینده
نقدری عاشق انگشت نماسی وارخانمون
نه گلدی باشینه يولاردا تاب ايدوب دوزدي
رضای خالق خاطر رضاسی وار خانمون
نه طعنه لرایشیدوب صبرایدوب خدایه گوره
نه اعتراضی نه چون وچراسی وارخانمون
شباهتی چوخ اولوبدور آناسی زهرایه
بتول تك رخ نيلي نماسی وار خانمون
گتورمیوب دیله آجلیق سوسوزلیقین سوزونی
آناسی فا طمه تک چوخ حیاسی وارخانمون
گزوبدی کوفه نی شامون یولون بو نازلی بالا
ولی خرابه ده عُمده بلاسی وار خانمون
نه واردی تازه لباسی نه قالدی گوشواره
باخور اوشاقلار ا کهنه لباسی وار خانمون
نقدري شمر دنی زجردون ستم ايلدي
نه يالواروبدي نه بير التماسي وارخانمون
اگرچه سایسیز اولوب محنت و غمی امّا
اورکده بیر غم بی منتهاسی وار خانمون
سالوبدي نار بلايه آتا فراقي اوني
فراق اوخوندان اورکده یاراسی وارخانمون
ایدوب خرابه نی بیت الحزن نوا سیندن
گورن بیلردي غم جانگزاسي وار خانمون
اوقدر آغلادی قصره یتوردی ناله سسین
ستم ایوین یخا دیلدن نواسی وار خانمون
توكردي گوزياشيني گول كيمين سولان يوزونه
بیلوردی گوزیاشینون چوخ بهاسی وارخانمون
یتشدی بیر گیجه ویرانسراده آماله
گوروبدي ياره لي بیرآشناسی وارخانمون
خرابه ده گجه چاقی تاپوبدي ديلدارين
او قانلی باشیله بزم صفاسی وار خانمون
ایدوب زیارت آتا باشینی او نارلي بالا
گورون اویرده عجب ماجراسی وار خانمون
سیلوبدی معجریلن اوز گوزون یارالی باشین
نه گوردی عمّه سی دیلدن نواسی وار خانمون
قویوبدی قانلی دوداقه او پارچالان دوداقین
بو اوپمگه نئچه گونّدی رجاسی وار خانمون
اوپوپ اوقانلی دوداقی ایدوب حزین ناله
بو ابتدادي هله انتهاسي وار خانمون
ایدوبدی بيراوپوشه جان فدا بیلوب زینب
او چولده ئولمگه دیلدن رضاسی وار خانمون
- سه شنبه
- 18
- آذر
- 1399
- ساعت
- 23:34
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه