آغلاماق مولا حسينه گونده عـا دتدور منه
عشقمون اثبا تينه گـوز يا شيم آیتدور منه
عا شقم دیلدن حسينه آندّ اولا معبوديمه
نام مـولا حشريـده مهـر سـعادتدور منه
دلربا آدي اولو بدوردیلده هـرگون از بريم
يا حسينيم يا حسين روح عـبادتدور منه
گر فراق ياريدن يا نسام كول اولسام وار يري
ايتمه ايراد عشقه ؟ نه جاي ملامتدور منه
ديل يانورنارفراقينده يوزومده گوز يا شيم
گوز يا شيم ديل يا نماقي آثار فرقتدور منه
نار عشقينده يا نور پروا نه تک بال و پريم
عشقيمه مدرك بو گوز يا شيم بو هيتدور منه
آغلارام گا هي نماز اوسته او باش سيز پيكره
بو نمازيم گـوز يا شيم تجديد بيعتدور منه
واردي ميليم بي ريا آخسون عذاره گوز يا شيم
بي ريـا اولسا سرشگيم مزدي جنتدور منه
نيلورم دار فـناده مكنـت و جـاه و مـقام
دلبرون دارا لشّفا سي مال و حشمتدور منه
قسمت اولماز هر كيمه بزم عزای شاه دين
لطف و احسان آقامدان گونده قسمتدور منه
گرچه منده يوخ ليا قت منصب نـوكـرليقا
لطـف مـولادن ولي بو رتبه نسبتدور منه
يوخدي منده ذره قيمت اولما سا نام حسین
ارزيشيم مولا آديندا ندور او قيمتدور منه
نيلورم دار فـنا ده بـا شدا تـاج زر نگار
عشق دلبر با شدا چون تاج شرافتدور منه
شكـر لله تا پموشام پايا نيمي اول گـوني
حشريده عشق حسين رمز سعادتدور منه
حـاش لله ال اوزم من دا من ديلداريـدن
غا فل اولسام ياريدن عين جها لتدور منه
ظا هرا بـزم عـزا دور محفل سلطان دین
بـا طنا دارا لشّـفا دور بـزم رحمتدور منه
كيم گله بـزم عـزايه عاشقا نه بي ريـا
حاجتين زهرا ويرر يوخ شبهه ثا بتدور منه
بعضی لر پولدان اوتور چوخ ايليور سعی و تلاش
عشق دلبر دهريده د نيای ثرو تدور منه
آختارور چوخلار جهاندا بزم عیش و عشرتي
مجـلس مـولا سـرای معنـویتدور منه
دوز يولوندان منحرف اولماز حسينون عا شقي
چون آدی هر یرده مصباح هـدايتدور منه
گرچه دنيا ده قرا كوينگ نشا ندور عشقيمه
حشريـده اما بيلون ويـزاي جنـتدور منه
گيديگيم قاره نه خوشدور عاقبت اولسون كفن
قار كوينگ هرمكا ندا شان و شوكتدور منه
اي حسيني لر حسينون بزمينه زينت ويرون
عالم ايچره بو همايش رمز وحـدتدور منه
گوزلريم اوسته مكان ويرم حسين عُشا قينه
بو ايشيم عا لمده بير عالي تجا رتدور منه
تاپمو شام بزم عزای يا ريدن يـاران نـا ب
هر زما ندا هر بيري فخر و جلالـتدور منه
بو رفا قت لر يتيشميش نوكـره اربا بيدن
هر نه وار اربا بيدن لطف و كرامتدور منه
سيزلري يولداش منه ورميش حسين ابن علي
لطف مولا دهـريده عالي عنايتدور منه
سیز کی نوکر اولمو سوز فخریله زهرا اوغلونا
نوكر اولسام سيزلره فخر و سعادتدور منه
تپراق اولسام گرايا قوز آتدا فخريمدي منيم
بو بيوك منصب دی عمریمده كفايتدور منه
يوخدور امكان چون گورم شاه شهيدان مرقدين
سيزلري گورمگ عزيزان چون زيارتدور منه
هر كيمون وار حاجتي حاجت روا ايلر آقام
يوخدي شبهه گون كيمين عالمده رويتدور منه
وار سراغيم كربلاده بير گوزل ديلداريدن
دلـربـاي عـالمينين آدي حجتدور منه
حك ايدوبدور آديني خلاق داور قلبيمه
قلبيده زيـبا آدي نيكو عبارتـدور منه
عاشقم مولا حسينه هم گوزل قاردا شينه
عشق عباس و حسين هر یرده عّزتدور منه
اولموشام عالمده عاشق من گوزل بير دلبره
ذكر نام دلربا سي چون عبادتـدور منه
ساقي سلطان دين اون يدي منصب صاحبی
اللري مشگل گشا آدي شفاعـتدور منه
وصفيني شرح ايليوب عالمده زين العابدين
چون ايدوب سجاد اونون وصفين نه حاجتدور منه
قوي ديوم بير شمعه عبّاس عدالت پيشه دن
عين آدي د هريده عين عدا لـتدور منه
سويلوبدور كربلاده دشمنه سالار عشق
نوكرم سلطا نه بو منصب كفا يتدور منه
كربلا ميعاد عشقيم دورحسين قربا ني ام
اوج آما ليم بيلون فيض شهادتدور منه
تا نفس وار قويمارام دوشسون علم الدن يره
رهبريمدن پـرچم قرآن ا ما نتد ور منه
حيف اولا يوخ رهبريمدن كربلاده اذن جنگ
زاده زهرا سوزي برهان و حجتدور منه
من علی المرتضا نون اوغليام همچون آتام
دشمنه باش اگمرم عالمده ذلـتدور منه
اوخ وروبسوز مشكيمه شرمنده يم اطفاليدن
خيمده بير نازلي قيز عطشاندي حسرتدور منه
خيمه ی ديلداريمه حاشا دوشه بيرده يولوم
گوز گوزه اولماق رقيهء لن خجالتدور منه
اوخ نقدر سینمه ورسوزشكايت ايتمرم
هريارا ديلداره خاطر شهد و شربتدور منه
قولاريم يوخ گوزده اوخ باش ياره پيكر يارلي
بو نشا نلار آيت ایثار و غيرتدور منه
آز قالور نايل اولام منده شهادت فيضينه
بير بله اولمگ جهاندا فتح و نصرتدور منه
گون شاخور ايستي هوا لبلر يارا گلسه آقام
باشیم اوسته سايه سي چون ا بر رحمتدور منه
ايستورم قارداشیمی امداده الان سسليم
غيرتيم مانعدي اما ياخچي فرصتدور منه
منليگ اولسا سسلمم مولا حسيني داديمه
چون دیور زهرا آنام امری حلاوتدور منه
سویله ارباب کماله ای آخوندی بو سوزی
سُون نفسده ذکر یا مولا عبادتدور منه
- چهارشنبه
- 19
- آذر
- 1399
- ساعت
- 0:14
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه