دوراي نگـار نـازنين وفالي همسريم اويان
دونوبدي قانه گوز ياشيم يگانه دلبريم اويان
بيان ايله عم اوغلوی ندن گوزوندن آتموسان
منی گوزوندن آتموسان ئوزون مرامه چاتموسان
يوزونده سيلي نون يري مزارون ايچره ياتموسان
علي غريـب شهـريدور وفـالي ياوريم اويان
مدينه اهلي يوخليوب منيم گوزومده يوخدي خواب
گجه گونوز قان آغلورام رواندي يوزده اشك ناب
دوزنمورام فراقوه اوركده يوخدي صبر و تاب
گوزومده تيره دور جهان سراج انوريم اويان
سالوب مني نگاريدن بو چرخ كجروش اوزاق
آلور گوزومـدن هر گجه يوخوني آتش فراق
اودي اولـور مزاروه شكسته دل علي قو ناق
قوناقوه نظاره ایت سينوبدي شهپريم اويان
اوركده كي ملاليمي جهاندا يوخدي هيچ بيلن
مزارون اوسته ديل سوزون گرگدي ايليم علن
نه من کیمی غریب اولار نه سن کیمی غریب ئولن
گيدوبدي سنلن عـّزتيم مدال برتريم اويان
- چهارشنبه
- 19
- آذر
- 1399
- ساعت
- 23:54
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه