مکتب طاهاده سُخن اورگنن
فـاطمـه دن شیر شجاعت اَمن
حیدرون اَرشد قیزی چون بُت شکن
محـرم اَسرار حسین و حسن
شمع شب افـروز دل پنج تن
هاردا گورونمیش بئله بیر شیر زن
زینب آدی فخـر زنان عرب
فاطمنون مفخری هم زین اَب
کیمدی بو قیزشمس و قمراختری
مظهر حق سبط نبي خواهـري
سیّد الاَبـراره ایـدوب مـادری
نام حسیندور دیلینون اَزبـری
بحـر عفاف و شرفین گـوهری
حیدریدور حیدریدور حیدری
وئردی نقدری اونا یوز درد و غم
توکدی غمون با شینه خاک الم
زينبي زينب ايدن ايثاريدور
دیلده اولان بینش سرشاریدور
شيوه ی آدابيدي رفتـاريدور
منصب والاسیدی کرداریدور
منطق و برهانیدی گفتاریدور
خصمی یخان نطق شررباریدور
فکر ایله بو مطلبیمه سن دقیق
زینب ایدوب گور نجه طی طریق
زينبي زينب ايدن ايمانيدور
بـاغلانـان الله ئله پیمانیدور
ایتدیقی یوخسوزلارا احسانیدور
یاره گوره وئردیگی قربانیدور
داغلی اورگ سینه ی شان شانیدور
باشدان آخان دینه گوره قانيدور
گوزلرون آچ باخ اونون ایثارینه
کـرب و بـلاده قالان آثارینه
زينبي زينب ايدن عاداتيدور
خـالقـه عبدیتی طاعاتیدور
ذکـر مناجاتي عباداتيدور
راز و نیاز اوسته کی حالاتیدور
دست سخـاوتله کراماتیدور
چکدیگی دین اوسته ریاضاتیدور
رنج و بلانی ایلـدی انتخاب
تا قالا ایمنده عفاف و حجاب
اللهون اَلطافینه شامیلدی بو
باغ نبّوتد ه کی حاصیلدی بو
عالیمه دور علمیده کامیلدی بو
فاطمیه زنده شمایلدی بو
طاهریه مظهر قابیلدی بو
بیز لره حلّال مشاکیلدی بو
چنگ توسّل ورا کیم آدینه
آندّ اولا زهرایه یتر دادینه
فاطمه مسلکدی علی شیوه دی
قلبی اونون صافیدیچون شیشه دی
تابع قرآنیدی حق پیشه دی
معنویدور معنوی اَندیشه دی
کرب و بلا نهضتینه ریشه دی
نخل ستمکاری کسن تیشه دی
زینب آدی دینه وئروب آبرو
مرقدین عاشق لر ائدر آرزو
کیمدی بو قیز مخزن اَسراريدور
بحر عطا منشأ ايثاريدور
كرب و بلا عشقينه معياريدور
سرور اَبراره مدد کاریدور
قارداشی عبّاسه علمداریدور
نطقی ده چون حیدرکراریدور
واژه ی صبره آدي معنا اولوب
درده دوشوب درده مُداوا اولوب
زینبی زینب ایـدن اللهیدور
گئدگی یول فاطمه نون راهیدور
طاعت و اَذکار شبانگا هیدور
عزّتیدور شوکتیدور جاهیدور
نیزده قرآن اوخیان شاهیدور
قصر ستمکاری یخان آهیدور
چشم دیلیلن باخون آمالینه
تاری یانیندا اولان اجلالینه
کلک قضا زینبه چوخ غم یازوب
رنج و مُصیباتینی اَعظم یازوب
درد و بلانی اونا همدم یازوب
هرگونونه غُصه و ماتم یازوب
قطره غمی زینبه چون یم یازوب
دیل داغینا غملری مرهم یازوب
گتدی نلر گور بو فلک باشینه
قاتدی اورگ قانینی گوزیاشینه
قافیله ی عشقه اولوب سرپرست
اگمدی باش دشمنه اُول حق پرست
گورسدوباَشراره خانیم ضرب شصت
وئردی عدویه قولی باغلی شکست
بیلمدی اُول باده ایچن خصم پست
این ثمـر عُمر علی زینب است
غم گوزونی گئتدی زارا بو خانیم
روح غمی چکدی دارا بو خانیم
بـزم یزید ایچره او والا تبار
سسلدی یار اُول منه ای کردگار
نسل ستمکاری ایدوم تار و مار
اولدی یدالله اونیچون دست یار
دوردی اَیاق اوستونه اُول با وقار
کوه احُد تک دایانوب استوار
نطقی سالوب قلبیلره اضطراب
ائتدی همان بزمیده بیر انقلاب
سویلدی ای پست دنی زینبم
بنت رسول مدنی زینبم
آگه ایدن مرد و زنی زینبم
دین حقون حق دئنی زینبم
گر تانیان یوخدی منی زینبم
خصمه وران تُو دهنی زینبم
ها شیمیم ها شیمیم ها شیمی
اگمرم ئولسمده سنه با شیمی
اللهون اَلطافینه شامل منم
عالیمیم علمیده کامل منم
باغ رسالت د کی حاصل منم
بُت شکنه دختر قابل منم
غرق اولونان کشتیه ساحل منم
ظُلمه چکن بیر خط باطل منم
باده ی عشقی ایچنم زینبم
حاصل ظُلمی بیچنم زینبم
بند دل ختم رسالت منم
بنت شهنشاه عدالت منم
حضرت زهرادن اَمانت منم
کنز حیا بحر نجابت منم
معنی ایثار و شرافت منم
آیئنه ی عصمت و عفت منم
چرخ عفاف اُلدوزییام زینبم
شیر خدانون قیزییام زینبم
خوابیده سن گوزلرون آچ ای شرور
عشق حکومت سنی ایلوبدی کور
عادت اولوب سنده کی فسق و فُجور
نسلـوی اجدادوی ملّت تانور
همچو سُلیمانم و سن همچو مور
ایلیرم جسموه بو قصری گور
دخُت علی خصمه هاچان باش اگر
تا نفسیم واردی دئلیم حق دئیر
- پنج شنبه
- 20
- آذر
- 1399
- ساعت
- 0:5
- نوشته شده توسط
- یوسف اکبری
- شاعر:
-
حاج حیدر خوندل
ارسال دیدگاه