بـارالهـا گوزومون ياشـي آخیر
حسرتيلـن در زنـدانـه بـاخیر
گلمور اوغلوم رضا باخورام من يـولا
سارالوب گل کیمی محبسده ئوزوم
وار اوركده نچه نسگيلي سوزوم
آشنـا آختاروري گونده گوزوم
گلمور اوغلوم رضا باخورام من يـولا
غمليم چوخدي اورگده محنيم
اريـوب كثـرت غمدن بـدنيم
بوردا ئولسم بيلورم يوخ كفنيم
گلموراوغلوم رضا باخورام من يـولا
سجن هارونده دُچارم محنه
ندي جُرميم كه ورور سيلي منه
ديورم ديلده اولان دردي سنه
گلموراوغلوم رضا باخورام من يـولا
ئولورم مونس اولوبدور منه غم
اثـرائتميش منه بـو زهـر ستم
غُل و زنجير ايليوب قديمي خم
گلموراوغلوم رضا باخورام من يـولا
- پنج شنبه
- 20
- آذر
- 1399
- ساعت
- 0:22
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه