جان وئرور عباس آناسی
سینه ده اوغول یاراسی
آخرین ساعتده غمخوار آختارور
گوزلری قولسوز علمدار آختارور
محنت و غم بسترینده
آیریلیق ساعتلرینده
سسلیور گل آی ابالفضل
گوزلریم وار گوزلرینده
جانیمی یوللارووه قربان وئروم
گل گوروم بیر دفعه راحت جان وئروم
قلبیمی غصه آلوبدی
سینه می تنگه سالوبدی
باغریقانم ناگرانم
گوزلریم یولدا قالوبدی
گل آنون ام البنینی شاد ائله
گویلونی غم غصه دن آزاد ائله
خوللارین قربانیم گل
قوللارین قربانیم گل
دوش یولا کرب و بلادن
یوللارین قربانیم گل
ئوز الینلن گوزلریم باغلا اوغول
گل منی قوی قبره یاس ساخلا اوغول
وار سنه دلدن علاقم
حیف اولا سندن اوزاقم
میهمان اول بو غریبه
بیر نچه لحظه قوناقم
کربلاه اولمادیم ایوای دییَم
باشون اوستونده اوغول لایلای دییَم
پایگاه حفظ و نشر آثار عباسی معروفان اهری
- یکشنبه
- 23
- آذر
- 1399
- ساعت
- 15:36
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه