سبک : شهریاریمسن آقا
داده گل جان وئرورم گؤزلریمی باغلا حسین
غسلومی وئر کفن ائت ٬ ساخلا عزا ٬ آغلا حسین
قلبی یاره باجوام
معجری قاره باجوام
قوی مزاره باجوام
یارالی یارالی
(تکرار در تمام بندها)
دختر شیر خدا خواهر زار حسنم
قدی غمدن بوکولن طاقتی الدن گئدنم
سن ائلوندن آرالی کرب و بلا صاحبیسن
بیر کسیم شامده یوخ منده غریب وطنم
زینبم ام مصائب لقبیم واردی حسین
نفسیم تنگه دوشوب تاب و تبیم واردی حسین
کربلاده دولانور فکر و خیالیم یارالی
هامیدا گلمسه سندن طلبیم واردی حسین
آخرین لحظه لرینده گؤزی یولدا قالانام
من سنون مقتل آرا باشوه سایه سالانام
ال یتور بو الی الدن ئوزولن عاشقوه
دگولم ئوزگه حسین کوینگین الدن آلانام
بش یاشیمدان بیلوسن باشه قرا باغلامیشام
قارداشیم اوغلوم ئولوب نوحه دیوب آغلامیشام
قوی قدم گؤزلریمه سینمون اوستونده حسین
آنام الده توخیان کوینگوی ساخلامیشام
پایگاه حفظ و نشر آثار عباسی معروفان اهری
- یکشنبه
- 23
- آذر
- 1399
- ساعت
- 15:40
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه