دوشدی تا دیللره بیر غملی شهادت خبری
یاندیروب اهل شرف قلبینی غم شعله لری
بوریوب اشک عزا دیده ی بیداریمیزی
ئولدوروب قوم جفا جبهه ده سرداریمیزی
او مبارز که اونون صحبتی دیللردیدی
او که اسلام علمی دایمی اللردیدی
او مدافع که حرملرده علم وورمیشدی
داعشون دولتینه مهر عدم وورمیشدی
او مبارز که نه ایران نه فقط سوریه
وئردی هر یئرده علی لشگرینه روحیه
او که اردوی ولایتده قوی افسریدی
شیعه حیدریدی جان به کف رهبریدی
او مدافع که دفاع ایلدی ئوز اصلیندن
انتقام آلدی علی دشمنینون نسلیندن
او مدافع که بیزه راه شرف گستردی
او مدافع که هامی قلبا اونی ایستردی
مکتب ناب ولایتده سعادت تاپدی
چاتدی ئوز آرزیسینا فیض شهادت تاپدی
جسمی صد چاک اولونوب اسوه ایثاریمیزین
اللری دوشدی بدندن قوی سرداریمیزین
ئورگیم یاندی حسین عشقینون آواره سینه
جانیمیز قربان اولا پیکرینون یاره سینه
آغلارام تپراقین اوسته او دوشن اللرینه
بارماقیندا او نشانه قالان انگشترینه
گرد محنت بورودی دردیلن آیینه لری
یادیمه دوشدی گئنه کرب و بلا صحنه لری
کربلاده سارالوب گللری اربابیمیزون
کربلاده کسیلوب اللری اربابیمیزون
کربلاده آقامون بند دلی دوغراندی
کربلاده آقامون صود امری اوخلاندی
کربلاده ائله بیل رحم و مروت یوخودی
کربلاده داش آتان نیزه آتاندان چوخودی
کربلاده ائله بیر جور و جفا باشلادیلار
نیزه باشینده کسیک باشلاری هی داشلادیلار
نیزه باشینده که باشلار که بدن سیز قالدی
اولارین پیکری مقتلده کفن سیز قالدی
پایگاه حفظ و نشر آثار عباسی معروفان اهری
- یکشنبه
- 23
- آذر
- 1399
- ساعت
- 15:51
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه