سبک ... یخیلدی سقا یئره
الهی صبر ائت عطا مرتضایه بو گجه
وفالی دلداریمی قبره تاپشوروم نجه
ای خدا
مرتضی
چاره سیزدی نیله سون
بو فلک
قویدی تک
دردینی کیمه دئسون
واریم یوخوم فاطمه گیتدی الدن ای خدا
گوزون یوموب دلبریم گوزلریم اونا فدا
جهاندا اون سکگیز ئیل غصه چکدی غم یئدی
دوداقلاری گولمدی درده اولدی مبتلا
قلبی قان
وئردی جان
گوز یوموبدی هر ندن
غصه لر
یورقونی
راحت اولدی غصه دن
ئولن زمان فاطمه گیزلین اولدی سوزلریم
وصیت ائتدی منه باخدی دولدی گوزلریم
ائله پوزوب حالیمی اگدی قدیمی فلک
گلنده قبرستانا تیتریوردی دیزلریم
دلده غم
قدی خم
دفن یاره گلمیشم
فاطمه
دفنینه
باشدا قاره گلمیشم
نجه دئیوم یاریمین عفت و حیاسینی
منه بیلیندیرمدی محنت و بلاسینی
نه یوزده سیلی یئرون نه سئنان قابورقاسین
وئرنده غسلون ئوزوم گورموشم یاراسینی
بو غمی
سینه می
داغلادی من آغلادیم
اگلشوب
غصه دن
دیزلریم قوجاقلادیم
پایگاه حفظ و نشر آثار عباسی معروفان اهری
- چهارشنبه
- 26
- آذر
- 1399
- ساعت
- 22:32
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه