به سبک(الهی دفن ائدیم نجه...)
الهی گئتدی دلبریم
منیم وفالی همسریم
فلک نشان ائدوب داشا
جالاندی جام کوثریم
بو غصه دن ئورک سئخیلدی
بئلیم سئنوب ائویم بخیلدی
ائویمده دوقوز ئیل منه وفالی همزبانیدی
گوزوندن اشک محنتی گجه گونوز روانیدی
آغاردی زلفی غصه دن ولئ ئوزی جوانیدی
تحیر عالمیندیم بو درده یوخدی باوریم
بو غصه دن ئورک سئخیلدی
بئلیم سئنوب ائویم یئخیلدی
امان بو روزگاریدن امان الیندن ای فلک
آییردی مندن ای فدک شریک دردیمی فلک
کیمه دئسون ملالینی علی قالوب جهاندا تک
گرکدی چاهه تاپشورام ئورکده دولسا غملریم
بو غصه دن ئورک سئخیلدی
بئلیم سئنوب ائویم یئخیلدی
بش ئیلده چکدی فاطمه بلالرین اشدّینی
جوانیدور که حیف اولا مصیبت اگدی قدینی
گورن زمان قان آغلادی یوزونده سیلی ردّینی
ئورکده تاب و طاقتیم آزالدی اسدی دیزلریم
بو غصه دن ئورک سئخیلدی
بئلیم سئنوب ائویم یئخیلدی
او یاره لی جنازه نی قویاندا مغسل اوستونه
سو توکدولر خیال ائله کتاب منزل اوستونه
واریم یوخوم اولوب هدر ووروب الیم ال اوستونه
دئدیم توکل اللها بوشا چخوبدور اللریم
بو غصه دن ئورک سئخیلدی
بئلیم سئنوب ائویم یئخیلدی
دئدیم بو شهپری سئنان پیمبرون مارالیدی
وطن غریبی اولدی هئچ بیلینمدی هارالیدی
اولوبدی زخمی سینه سی قابورقاسی یارالیدی
سئناندا بال فاطمه منیمده سئندی شهپریم
بو غصه دن ئورک سئخیلدی
بئلیم سئنوب ائویم یئخیلدی
جوان ئولن نگاریمون غمینده سینه داغلادیم
کفن گره لرین نجه ئوز اللریمله باغلادیم
گجیله جسم اطهرین قویوب مزاره آغلادیم
دئدیم که بعد فاطمه یوخومدی یار و یاوریم
بو غصه دن ئورک سئخیلدی
بئلیم سئنوب ائویم یئخیلدی
کانال اشعار عباسی معروفان اهری
- چهارشنبه
- 26
- آذر
- 1399
- ساعت
- 22:38
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه