ای گل سر سبد باغ رسالت مهدی
آخرین میوه ی خوش طعم ولایت مهدی
ای کریم ابنِ کریم ابنِ کریم ابن ِکریم
قاپووین سائلی یوک ایله کرامت مهدی
پرده ی غیبی گوتور نور جمالون گوستر
شیعه نین دوت الینی ایله حمایت مهدی
نفس امّاره سالوب دامه ائدوب نفسه اسیر
بو اسارت اولار آخرده هلاکت مهدی
قویما کج یول گئدگ ای نور هدا باب رجا
غفلتیلن گئدوروک راه ضلالت مهدی
مرض روحه دچار اولموشوخ ای درده دوا
وئر صفا قلبه ائله روحه طبابت مهدی
اولما راضی بیزه ابلیس اولا راهنما
گل اوزون شیعه لری ایله هدایت مهدی
آند وئروک سنی گوزلردن آخان گوزیاشینا
گورست عالمده ظهوروندن علامت مهدی
کون و امکانی دوتوب جور و جفا ظلم و ستم
یر اوزین دولدوروب آثار جنایت مهدی
آند وئروک سنی زهرایه داخی ظاهره گل
قورگینان محکمه ی عدل و عدالت مهدی
ایسته الله دان اقا حکم ظهورون یازسون
بیز دعا ائتمگه یوخ بیزده لیاقت مهدی
جمعه لر جمعه نمازین سن اوزون ایله ادا
ائله ظاهرده داخی خلقه امامت مهدی
"زعفری"خادم درگاه ائله نوکر یاز آدین
رو سیاه عاشقه قیل ویژه عنایت مهدی
- جمعه
- 28
- آذر
- 1399
- ساعت
- 21:4
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه