روزجمعه یار اگر ئوزدن ائده رد نقاب
جلوه ی نوری ائدر اهل جهانی کامیاب
پرتوی انواری دنیایه وئرن گوندن جلا
شرمیدن جلوه ائدنمز گویده ماه وآفتاب
ذوالفقار الده گلر اوچ یوز اون اوچ سربازیلن
قدرت قهاریلن کونه سالار بیر انقلاب
حقی باطلدن سئچر ظالم لری مظلوم دن
کفر ائوین ویران ائدر عدلیله اول والاجناب
جوش ائدن وقته اونون عدل وعدالت چشمه سی
آب دریالر اولار انوار قهرینده حباب
دهریده آرامش وآسایش ایلر برقرار
ظرف امنیتده لرزه ایلمز بیرقطره آب
یریوزونده حکم قرآنی ائدر جاری سوتک
موبه مو اعلان اولار آیات غفران و عذاب
دولت بیداریده برپا ائدر بیر محکمه
عالی وادنادن ایستر هم حساب وهم کتاب
یوخ گذشت اول شخصه که همدست اولا ظالملره
بیرده یوخ راه فراری اولسا کیملر بی حجاب
ایلر عریان انتقامه ذوالفقار حیدری
هامی ایشلردن ازل بو امره چوخ ایلر شتاب
شیعه لر اوندا سویار رخت عزانی شاد اولار
قاتلان روز عاشورادن ایستر چون حساب
شمر و خولیدن قاباخ سسلر که گلسون حرمله
شیرخوارین تا آلا قانین چیخا یاسدان رباب
چون بیلیر که غملی مادر رخت شادی بیچمه دی
چیخمادی یاسدان اولونجه هم سرین سو ایچمه دی
گون قباقی مسکن اولدی مادر بی چاریه
غصه دن هردم باخاردی بوش قالان گهواریه
قانه باتمیش قونداقی گاهی آچوب باغلاردی گه
گاهی ایلردی اونی پیچیده شال قاریه
گون به گون تحلیل ائدردی جسمینی آلام و غم
دردینین تخفیفینه چاتمازدی راه چاریه
صودامر گورمگ همان فوراً باخاردی حلقینه
فکرائدردی که دگوب پیکان او شیرخواریه
ذهنی از بس غصّه دن مشغولیدی بیرنکتیه
هریری هرلحظه فرض ایلردی دشت ماریه
هرآنا آغوشه گورسیدی آلوب دلبندینی
اوخشیوب لای لای دیردی اصغر مه پاریه
اصغریم لای لای دیردی راحت اولدون یات بالا
من دچار اولدوم غمه سنده بوغازدان یاریه
- جمعه
- 28
- آذر
- 1399
- ساعت
- 22:51
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه