به سبک حسین آدین نه گوزلدی.....
گینه فغان سسی عرش و
فلک لره گئدیب الله
رئیس مذهَبِ شیعه
جهانی ترک ائدیب الله
بو عزاده شیعه آغلا وای آقا دئ سینه داغلا
غم و محن دِلِه دولدی
امامیمیز شهید اولدی
اولوب جفائیله مسموم
مثالِ گول یوزی سولدی
بو عزاده شیعه آغلا وای آقا دئ سینه داغلا
بالالاری سینه داغلار
باشا قراسینی باغلار
بهشتده وای بالا دئلده
آناسی فاطمه آغلار
بو عزاده شیعه آغلا وای آقا دی سینه داغلا
حسین و حیدره بنزر
مَرامِ جعفَرِ صادق
اوجاتدی شیعه باشینی
امامِ جعفَرِ صادق
بو عزاده شیعه آغلا وای آقا دئ سینه داغلا
- شنبه
- 29
- آذر
- 1399
- ساعت
- 23:17
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه