برج شرفده سیر ائدن اختره عاشق اولموشام
دوزلوقی پیشه ایلین رهبره عاشق اولموشام
صبح و مسا یالانچیدان اللها شکوه ائتمیشم
سوندا یالان دانیشمیان لبلره عاشق اولموشام
خشلَمِین نن اول قدر پست و فکار اولموشام
بلبله قوللارین آچان گللره عاشق اولموشام
عشق اودونا الولانوب لذت عشقی دادمیشام
قلبیمی تسخیر ایلین دلبره عاشق اولموشام
ظلمتده شبده بی صدا کوچه لری گزه گزه
مستَحَقه غذا وئرن اللره عاشق اولموشام
باده ی عشقی نوش ائدوب مست و خمار اولموشام
حالت مسته ساقِیِ کوثره عاشق اولموشام
هر کس اولوب بو دهریده بیر مه تابان عاشقی
من ولی شاه لافتا حیدره عاشق اولموشام
بس کی علیده جلوه ی حَیِّ قدیری گورمیشم
واللهی حیدره گوره داوره عاشق اولموشام
- شنبه
- 29
- آذر
- 1399
- ساعت
- 23:28
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه