ای ائلیمون شوکتی لایلای
ماهه مثل طلعتی لایلای
مست ائلیوبدور منی اوغلوم
لبلریوین شربتی لایلای
یوم گوزیوی آی ابالفضلیم
آغلاما لایلای ابالفضلیم
ای یوزی گولدن گوزل لایلای
قاشلاری بیت الغزل لایلای
لبلری شهد و عسل لایلای
حیدره سن سن مثل لایلای
یوم گوزیوی آی ابالفضلیم
آغلاما لایلای ابالفضلیم
ایستملی جیرانیم اوغلوم
آی قارا گوز طرلانیم اوغلوم
ناز ائلمه روحه ریحانیم
آدیوه قربان جانیم اوغلوم
یوم گوزیوی آی ابالفضلیم
آغلاما لایلای ابالفضلیم
هر باخیشوندا قیامت وار
سنده علی مثلی طلعت وار
ای گوزل اوغلوم بو سیمانون
نقش و نگارینده جنت وار
یوم گوزیوی آی ابالفضلیم
آغلاما لایلای ابالفضلیم
ای باخیشی دردیمه درمان
گوزلریوه جان اولا قوربان
آغلیوب آناوی آغلاتما
یوم گوزیوی ای مه تابان
یوم گوزیوی آی ابالفضلیم
آغلاما لایلای ابالفضلیم
- دوشنبه
- 1
- دی
- 1399
- ساعت
- 16:12
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه