البشارت اولیب قیامت بیتِ خداده
گلدی حیدر اولیب منور ارض و سماده
اولدی رخشان _ عرشِ رحمان
عالمه گَلدی _شَهِ مردان
مفخَرِ داور گوز آچیبدی
ساقی کوثر گوز آچیبدی
قلبِ پیمبر سویونیب چون
حضرَتِ حیدر گوز آچیبدی
یا علی مولا علی مولا ۴
نورِ ایمان ائدیبدی پرتو رویِ علیدن
مست اولیبدی بوتون ملک لر بویِ علیدن
گوز آچیبدی _ فخرِ طاها
آدی حیدر _ عالمه مولا
غیرَتی دریا علی مولا
نایبِ طاها علی مولا
عاشِقِوم عشقیده صادق
ایله کرم یا علی مولا
یاعلی مولا علی مولا ۴
با صفادی علی نین آدی درده دوادی
عاشِقانه مزاری مثلِ کرب و بلادی
رهبریمدی _ شاهِ مردان
با مُصَفّا _ قبرینه قربان
فخر ائدورم حیدَرِیَم من
طلعَتینه مشتَریَم من
شاهلارا ناز ایلِیورم چون
درگهینون نوکَرِیَم من
یاعلی مولا علی مولا ۴
- دوشنبه
- 1
- دی
- 1399
- ساعت
- 16:43
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه