هر دلده مسلمدی که احساس اولا بیلمز
احساس اگر اولماسا حساس اولا بیلمز
اقرار ایلیور بو سؤزه مردان هنرور
هر مرد هنرور گلوب عباس اولا بیلمز
احساسی اولان افضل اولار رذل اولا بیلمز
مسئول اولا لایق اگر عزل اولا بیلمز
حاتم که کرم صاحبی با فضلدی اما
هر فضلی اولان شخص ابالفضل اولا بیلمز
هر دلده کدر اولسا او دلدار اولا بیلمز
نالایق اولان لایق دربار اولا بیلمز
دوزدور گزر اللرده علم حمل ایدن اما
هر صاحب پرچم که علمدار اولا بیلمز
هر بیر گؤزله دلبر زیبا دئمک اولماز
هر یئرده سو جمع اولسا که دریا دئمک اولماز
گر اولماسا عباس کیمین غیرتی هر کس
سو مشکی سالا چیگنینه سقا دئمک اولماز
عاشور گونی کیم دیور آیا سو ایچیلدی؟
اما دیورم عترته غم رختی بیچیلدی
باش اگمدی عباس علی ظالمه والله
اللهه گوره قامت رعناسی کیچیلدی
قربان او گؤزه کاسه چشمون قان آپاردی
گؤرجک او گؤزی روح حسیندن جان آپاردی
زهرا دولانوب مقتلی ال سینه ده تاپدی
جنت باغینا ئوز گولونی مهمان آپاردی
عباس که جان بذل ائلدی رهبره خاطر
ترک ائتمدی آل اللهی سیم و زره خاطر
محشرده که زهرا آچاجاق باب شفاعت
الله بیزی عفو ایت کسیلن اللره خاطر
کانال اشعار عباسی معروفان اهری
- سه شنبه
- 2
- دی
- 1399
- ساعت
- 23:55
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه