یانان بیر درگهین یارب گینه غوغاسی باشلاندی
دوباره شهر یثربده بلا سوداسی باشلاندی
دوباره غم کتابینده یتیشدی روضه مسماره
همان مسماریدن پروانه نون پرواسی باشلاندی
دوباره سیلی اسراری دوباره کوچه اشعاری
دوباره مجتبانون محشر کبراسی باشلاندی
دوباره عرشه قوزاندی ننم لایلای گولوم لایلای
حسین و زینبون فریاد و واویلاسی باشلاندی
دوباره کوثرین غسلی دوباره محسنون دردی
دوباره جوشلانان گوزیاشلارین دریاسی باشلاندی
آلیشدی آشیان یاندی ئورکدن باغبان یاندی
دوباره غصه لی تیهولرین آواسی باشلاندی
دوباره ایستیور ئوز روحینی تشییع ائده حیدر
وداعِ شمس و ماهین لحظهء حسّاسی باشلاندی
وفا "مضطردن" الهام آل دئنن بو غملی شعرونده؛
خبردار ای عزاداران علینون یاسی باشلاندی
سروده شده در دوم دیماه99
- چهارشنبه
- 3
- دی
- 1399
- ساعت
- 22:38
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه