ای قدرت الینن آچیلان چوخلی دوگون
فرمانوه تابعدی بلیّات ، بوگون
لطفوندی کی نشرائدر شمیم فرجی
اسدیر بیزه بیریولدا نسیمِ فرجی
هرسخت، ذلیلِ قدرتوندور یارب
اسباب مطیعِ حکمتوندور یارب
جاریدی قضاوقدرون دنیاده
حکمتدی مُسَلّماً گلور ایجاده
چرخشده مشِیّتونله چرخِ دوران
ئوزباشینه بوشلاسون، جهاندور ویران
اشیاکه اولار اراده ویلن موجود
تسبیح اوخیوب اولارلامشغولِ سجود
سرمستدیلرعبادتوندن یارب
چیخمازلاکناره طاعتوندن یارب
دائم هامی دیوانهء دیوانوندی
امرایلَمَمِش مطیعِ فرمانوندی
هرسمته آخارسولارکیمی آخمازلار
هرشئ کی سن ایستِیَن دگیل باخمازلار
هرلحظه اورکده عشقوی بسلرلر
فریاده مُهِم ایشده سنی سسلرلر
اونلارکی صبورو ممتحَن بنده دیلر
هنگام بلا، سنه پناهنده دیلر
الآن بیزی بیربلا گرفتارایلوب
زندانه سالوبدی ائوده بیکارایلوب
فرمانی سنون الونده دور یاالله
درمانی سنون الونده دور یاالله
سنسیزبوبلا اوزاق گئدنمزبیزدن
بیرکس بوبلانی دفع ائدنمزبیزدن
سن بیرقاپی باغلاسون، آچانمز بیرکس
جاریدی حکومتون قاچانمزبیرکس
سنسن کی باغشلیان گرفتاره نجات
پیغمبره، اولادینه گوندر صلوات
الله بوچتین بلانی آسان ایله
رحم وکرموندن بیزه احسان ایله
درمانینه دردین اولمشوق آواره
بیچاره لره سن ایله یارب چاره
چوخلاردیل آچیب شکایته درگهده
دعوتلری سال اجابته درگهده
عاشق دییَر اسرارِدلین معشوقه
رحمت قاپوسین دوباره آچ مخلوقه
سائل لری آز بلایه آماج ائله
انسانلاری ابتلادن اخراج ایله
سیراب ائله مومنلری ئوزجاموندن
ال چکمیه واجبات و احکاموندن
هرچندکه شایستهء لطفون دگولوک
گلزارمحبتونده خاروک، نه گلوک
ای صاحبِ عرشِ ذوالجلال و ذی جاه
رحم ائت منه گرچه عاصیَم یاالله
دردم باخیشونلافوری درمان اوللام
من ( شاکر ) نعمتِ فراوان اوللام
- پنج شنبه
- 4
- دی
- 1399
- ساعت
- 0:1
- نوشته شده توسط
- یوسف اکبری
- شاعر:
-
جعفر فتح اللهی
ارسال دیدگاه