بو رسمیدی دنیاده عزیزی ئولن اولسا
آهسته گلر باشینون اوسته گلن اولسا
آلتندا اولور بستری اوستینده قدیفه
بالش باشی آلتندا اگر جان ویرن اولسا
اولده آچاللار یاخسین جان ویره آسان
اگنینده اگر جان ویره نون پیرهن اولسا
غربتده بیری ذلتیله جان ویره نیلر
بوینوندا اگر ظلمیله بند رسن اولسا
بیر خرداجا قزدان خبریم واردی دیوللر
آغلارسان ایشتسون ولی یاخچی دین اولسا
بس ر قزدی اوقز اوچ یاشی وار آدی رقیه
مدفونیدی شام ایچره مزارین گورن اولسا
عالمده اوشاق طایفه سی یوخدینی بیلمز
تأمین اولا دلخواهی گرک خر ندن اولسا
بیردن دیسه گوشواره گرک آلسون آتاسی
ال چکمز اگر هر نقدر پر سخن اولسا
قوملار بدنین قرمز ایدوب قمچی گوگردوب
جسمیده عجب منظره لر وار بیلن اولسا
ناله سسی دنیانی کباب ایلر اوطفلون
خونبار گوزی مثل غزال ختن اولسا
وقت اولدی او وقتی چاغروب گل خانم عمه
خوشدور بو خرابه من زاره وطن اولسا
گل عمه دقیقه باشیم اوسته ئولورم گل
سن اکبریمه ایله گزارش گیدن اولسا
ئوز قاصد آهونله بئله ایله سفارش
ذلتله باجون ئولدی گتور بیر کفن اولسا
- جمعه
- 5
- دی
- 1399
- ساعت
- 23:59
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه