سبک : لای لای ای جبهه لرین یورقونی ای خسته جوانلار
لای لای ای مرزیلری باغلیان اشراره جوانلار
وطن عشقینده اولان قلبیلری پاره جوانلار
ای گئچن توپراقینون خاطرینه جانیله باشدان
داغ داش اوستونده یاتوب ال ایاقی یاره جوانلار
دوزدی جسمیز دولی قاندی
گوزوز القانه بویاندی
آیریلیق داغی یاماندی
غم دنیانی آتون سیز یاتون آسوده یاتون سیز
لای لای ای صبحه کیمی مرزیده گوز باغلامیان لار(۲)
لای لای ای درد و غمِ غربته دل داغلامیان لار (۲)
یاتمیان گوزلره قربان
دئمین سوزلره قربان
یارالی یوزلره قربان
غم دنیانی آتون سیز یاتون آسوده یاتون سیز
دوزدی سیزلر سبب اولدوز وطنین باشی اوجالدی
دوزدی هجروزده سیزون چوخ اتانین قدّی قوجالدی
سیز وطن توپراقنین خاطرینه قانوزه باتدوز
فرقتوزده آنالار قلبی یانوب دردی چوخالدی
منی هجروز غمه سالدی
طاقت و صبریمی آلدی
گوروشوز محشره قالدی
غم دنیانی آتون سیز یاتون آسوده یاتون سیز
لای لای ای حفظ ایلین توپراقین آسیب و ضرردن(۲)
لای لای ای حفظ ایلین پرچم ایرانی خطردن (۲)
یاره دگدی گوزوز آخدی
گوز آخیب پرچمه باخدی
ولی پرچم گویه قاخدی
غم دنیانی آتون سیز یاتون آسوده یاتون سیز
- شنبه
- 6
- دی
- 1399
- ساعت
- 19:51
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه