آهنگ(گلمیشوخ ای شیعه لرشام غریبانه بیز ...)
ارض و سماء بو گئجه ناله و افغان دوتوب
فاطمیه چون علی شام غریبان دوتوب
قیزلاری بیر گوشه ده باشه سالوبدور قرا
زینب آنام وای دییور آغلیوری مجتبا
سینه سینی داغلوری خامس آل عبا
فاطمیه چون علی شام غریبان دوتوب
فاطمه نون یاسینه اولمادی بیر کس گلن
قیزلار آنام وای دئدی یاندی حسین و حسن
حشره کیمی آغلادار شیعه لری بو محن
فاطمیه چون علی شام غریبان دوتوب
شمع عزا یاندرون شیعه بو ماتمده سیز
اوخشیون ایوای دییون بو گیجه بو غمده سیز
زینبه باش ساقلیغی عرض ایلیون همده سیز
فاطمیه چون علی شام غریبان دوتوب
شاه ولانون بو غم صبرین الوندن آلوب
نصفی یانان درگهی بو گیجه باغلی قالوب
دورد بالانون ناله سی او ائوه محشر سالوب
فاطمیه چون علی شام غریبان
قاره چکوب عرشینه ذات حق کبریا
عدن برین ده دییور وای بالا وای مصطفا
بو گیجه دل داغلوری مهدی صاحب عزا
فاطمیه چون علی شام غریبان دوتوب
- شنبه
- 6
- دی
- 1399
- ساعت
- 20:27
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه