قورتولدون فاطمه درد و غمدن
تز کوچ ائتدون ندن سن گلشندن
ماتم کده اولوب ایندی ایویم
مرتضی دویمادی زهرا سندن
غملی گونلرده سن/یار حیدر اولدون
کمگیم یوخیدی /منه یاور اولدون
ایندی اما زهرا /تک قالیبدی حیدر
قبریوین اوستونده /آدیوی هی سسلر
یا فاطمه
سینمده بو نفس محبوس اولدی
یاشاماقدان علی مایوس اولدی
ای کاش اجل گَله منده ئولم
حیدره ئولماقون کابوس اولدی
زندَگی مشکلدی /سنسیز ای دلداریم
یوخدی زهرا سنسیز /بیر نفر غمخواریم
دوشموشم بیر درده /یوخدی هیچ درمانی
من باخاباخا چون /دویدولر زهرانی
یافاطمه
قوش کیمی اولموسان پر شکسته
توپراق آلتیندا سن یاتدون خسته
بالالار هی سنی ایستیر مندن
گیزلین گلور علی قبرون اوسته
دوت بالان قالیبدی /فاطمه یاور سیز
حیدری قویدون سن/( بیکَس )و یاور سیز
سندن آیریلماقا /فاطمه یوز گلمور
صبح اولور ائویمه /گیتماقا دیز گلمور
یافاطمه
- دوشنبه
- 25
- اسفند
- 1399
- ساعت
- 22:38
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه