به سبک(آمریکا آمریکا ننگ به نیرنگ تو...)
یا زینب یا زینب شیر زن کربلا
ام ابیها کیمی معدن حجب و حیا
حق آدیوی یولادی خاتم پیغمبره
زینت اولوبسان خانم شیر خدا حیدره
فاطمه درس اورگدوب اوخشاموسان مادره
ایلموسن عهدیوه روز ازلدن وفا
یا زینب یا زینب ...
هاجره باش اولموسان سعی و صفاده خانم
باغلادیلار اللرون کوی وفاده خانم
دشمنه باش اگمدون کرب و بلاده خانم
سن اولماسیدون اگر اولمازیدی کربلا
یا زینب یا زینب ...
روز ازل طرح اولوب واقعه کربلا
یازدلا یرده گرک عینا اولا بر ملا
ویردیله اول نامه نی الده باخوب انبیاء
اولمادی جرات دئسون کیمسه او طرحه بلی
یا زینب یا زینب ...
اسدیله پیغمبران طرحی گورنده به عین
نوبه یتیشدی اله آلدی شه مشرقین
گوردوله صفدن چئخوب فاطمه اوغلی حسین
سویلدی من حاضرم گر منه یولداش اولا
یا زینب یا زینب ...
محضر حقدن گلوب اول دم حسینه ندا
کرب و بلاده سنه بسلمیشم آشنا
دقت ائله نامیه غمدن اوزون ائت رها
زینب آدون حک ائدوب بدویده جل اعلا
یا زینب یا زینب ...
کوفه ده سن ناقه ده قارداشا دوتدون عزا
تا دئدیلر سیزلره کوفه لیلر ناسزا
خطبه دئدون گوئیا زنده اولوب مرتضا
ریشه کفره آدون لرزه سالوب برملا
یا زینب یا زینب ...
شامیده اول پستیدن حقیوی آلدون خانم
تختیدن اول ظالمی سن یره سالدون خانم
ئولدی رقیه بالان شامیده قالدون خانم
حشره کیمی « صادقی » گرک بو غمده یانا
یا زینب یا زینب ...
- شنبه
- 6
- دی
- 1399
- ساعت
- 20:38
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه