باد صبا گئت وئر خبر موسی الرضایه
جان اوسته معصومه سنی سسلور هرایه
بیر قوش ڪیمی جانیم گلوب تنگه قفسده
احوالیمه گُللرده آغلور ، خار و خس ده
یولدا قالوب آغلار گوزوم بو سون نفسده
گل گور نئجه قاراداش دوشوب باشیم بلایه
مدتدی هجروندن اولوب قلبیم شڪسته
گوزلور یولون جان اوسته بو محزون و خسته
گَل بیرده قارداش سایه وی سال باشیم اوسته
واردور گوزوم سنده اولان لطف و عطایه
اولما رضا بو شهریده یالقیز قالام من
هجرونده اود بو خرمن جانه سالام من
گَل عطریوی بیرده دم آخر آلام من
چونڪه قالار دیداریمیز روز جزایه
ای ایلیین معصومه نی هجرینده گریان
بو رسمیدور ای جانیوه معصومه قربان
قارداش یولون گوزلر باجی جان ویرسه هرآن
تا بلڪه سالسون باشینه اول دمده سایه
بو بینوانون قیدینه قارداش اوزون قال
بو سون نفسده بیرده گل قول بوینوما سال
ڪیمسه گَلَن یوخ دادیمه ، گل گویلومی آل
رحم ایله بو دلده اولان آه و نوایه
عمروم بهاری آز قالور سولسون رضاجان
گل قویما قلبیم قانیله دولسون رضا جان
سن گل ، منه هرنه اولور اولسون رضاجان
بیر دم وصالون وئرمرم عدنِ خدایه
واردور یری بو غمده قلبیم پارچالانسون
قویما جمالون حسرتی قلبیمده قالسون
سن گل گوروم ، تاپیڪ حق بو جانی آلسون
بلڪه اولا پایان بو غملی ماجرایه
قالمور داخی تاب و توان بو جسم وتنده
ای تڪ قویان معصومه نی غربت وطنده
"شیدا " یازوب بو نوحه نی لطف ایله سنده
قبرینده باش چڪ اول گدای بینوایه
- شنبه
- 6
- دی
- 1399
- ساعت
- 20:54
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه