• پنج شنبه 9 فروردین 03

 ابوالفضل عباسی معروفان

نوحه حضرت اباالفضل(ع) -(دور ای وزیر دلاوریم ساقی حرم یاتما)

1986
15

سبک : خداحافظ ای آنام باجی...‌


دور ای وزیر دلاوریم ساقی حرم یاتما
گؤز آچ اویان یار و یاوریم صاحب علم یاتما
              قوللاری قلم یاتما



گؤزون دولوب قانیلن اخا گوزلرین قانین سیللم
دانیشماسان گویلوم آلماسان قارداشیم جانی ئوللم
حسینی سئندیرما دور گئدک من که قدروی بیللم
فراقوه یوخدی باوریم قلبیم آلدی غم یاتما
              قوللاری قلم یاتما


وفالیسان چوخ حیالیسان آند اولا ننم جانی
خجالتیندن باخانموسان ای حسینه قربانی
سنون کیمین قارداش اولان نیلیور بو دنیانی
بو حال زاریندن آز قالور منده جان وئرم یاتما
              قوللاری قلم یاتما


جمالین آیدان گوزل سنون سرو قامتین گؤیچک
سو مشگوه اوچ پر اوخ دگوب آلنوا دگن اوخ تک
سویون اولسیدی گلردون سن خیمه سمتینه بی شک
اوتانما قارداش بو باره دن شکوه ائتمرم یاتما
            قوللاری قلم یاتما


اولار راضی هانسی باغبان شاخه دن گلی سئنسین
سالوبدور هانسی شل اولموش ال قوللارین الی سئنسین
بئلیمی کیم سئندیروب قارداش غصه دن بئلی سئنسین
فرات اوسته قامتون گؤردوم قدیم اولدی خم یاتما
             قوللاری قلم یاتما


سوسوزلار قلبینده محنت و غصه ساغری جوشدی
آلوب سو جامی اله قیزلار دللری سنه خوشدی
فرات آخور چوللره سنون مشکون حیف اولا بوشدی
سوسوزلارا تشنه لبلره ایله بیر کرم یاتما
             قوللاری قلم یاتما


سولار سنسیز گللریم منیم وای بو گلشنه قارداش
آقا دییردون منه دایم قربانام سنه قارداش
ولی بو گون واردی حکمتی سسلدون منه قارداش
ئوزوم بیلدیم علقمه گلوب مهربان ننم یاتما
              قوللاری قلم یاتما



 کانال اشعار عباسی معروفان اهری

  • شنبه
  • 6
  • دی
  • 1399
  • ساعت
  • 22:39
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران