مژده ویر بادصبا عالمه زینت گلدی
غیرت حیدرو زهرادن علامت گلدی
بارالها بو نه حکمتدی گوزون آچدی خانیم
داغلارا داشلارا بیر لحظه ده غیرت گلدی
گوییا غیرتی تکمیل الدون زینبیله
حیدرین نطق گهر بارینه قوت گلدی
کاخ ظلمی داغیدار قدرت بی شائبه سی
سوره توبه ده آیات برائت گلدی
یوخدی شبه ام بو خانم فاطمه نین نایبه سی
خلق اولاندان دی بوتون عشقه شجاعت گلدی
جان ومال و شرف وشوکتی سسلردی حسین
عشقی تفسیر السون عالمه حجت گلدی
یعنی عالمده حسین بیرده حسین بیرده حسین
بو گوزل آدی دئین عاشقه عزت گلدی
چاتا بیلمز بیری آلله حسینسیز عجبا
بو خانیم سیزدا حسینه بو نه حکمت گلدی
قطره یازدیم ولی دریا منه ارزانی اولوب
یازیلان سوزلریمه آیری ابهت گلدی
من کیمی بنده نالایق هارا زینب هارا
ایوی آباد اولا اوندان بو محبت گلدی
- دوشنبه
- 8
- دی
- 1399
- ساعت
- 23:14
- نوشته شده توسط
- یوسف اکبری
- شاعر:
-
استاد محمد ندایی مشهدلو
ارسال دیدگاه