گلدی مه ماتم هامی عباسه قوناخدی
بولبول اوخویور،چونکه گل یاسه قوناخدی
شیعه هامیسی حضرت عباسه قوناخدی
چون ام بنینین بالاسی گنج وفادور
کیم دوزگله والله قاپیسی باب شفادور
دونیا یوزونی ایندی مرض یکسر آلیبدی
پیشرفته ممالک هامی آوره قالیبدی
ایرانداحسین وای سسی عرشه اوجالیبدی
شاهنشه اولان بیر بئله درباره حسیندی
هر درد ومرض گلسه اونا چاره، حسیندی
قوخما باشوین باغلا قراسین گل عزایه
اخلاصیله وور سینه شه کرب و بلایه
غیرتلی علمداری چاغیر درده دوایه
درد اهلی سوزون بیر کسه عالمده دئمزلر
مولا یاسینی هئچ وعده تعطیل ائلمزلر
- سه شنبه
- 9
- دی
- 1399
- ساعت
- 19:31
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه