ای سلیمانی،ای عشقین شرفین معناسی
ای اولان دهریده قاف ادبین عنقاسی
آپاریب بیزدن آلیبدیر سنی حق دنیاسی
گئتمگون ملت ایران ئورگین قان ائلدی
توکولن قان نئجه قاندی بئله طوفان ائلدی
شهدا قانلاری وئردی بیزه عزت لباسی
بیچدیلر جبهه ده دشمنلره ذلت لباسی
یاراشیبدور سنه الحق بو شهادت لباسی
ای سلیمانی،گئدوب ،قلبیلری داغلاتدون
سن کیمیدون بیزیده،رهبریده آغلاتدون
ای سلیمانی،ای الگوی وفا،پاک مرام
مکتبون مکتب ایثار،یولون راه امام
گورسن ارباب شهیدانی اونا ایله سلام
منده سن تک دئنن اسلامه وئریب باش گلدیم
قوللاریم دوشدی علمداریوه یولداش گلدیم
ای سلیمانی،بیزه حق یولون اثبات ائلدون
داعشی محو ائلینده هامینی مات ائلدون
یارالی جسمیله اللهی ملاقات ائلدون
بوتون ایرانلیلارون قلبینی غم تیری بولوب
ائله آغلوللار ابالفضل ائله بیر ایندی اولوب
سنده ارباب کیمی حیف غریب جان وئردین
نخل اسلامه ابالفضل کیمی قان وئردین
باشیوی قوللاروی قرآنا قربان وئردین
کیم باشیننان یارالانسا اونا مولا یئتیشر
قوللاری اولسا قلم دردینه زهرا یئتیشر
- سه شنبه
- 9
- دی
- 1399
- ساعت
- 19:56
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه