سالدیلار دیللره بیرده بیزیم عنوانیمیزی
قاره پوش ایلدیلر ملت ایرانیمیزی
یخدیلارظلمیله سردار سلیمانیمیزی
قوراروخ مجلس ماتم بئله بیر دلداره
توکروک گوز یاشی غربتده ئولن سرداره
چشم عالم بئله بیر صحنیه حیران اولدی
بوتون ایرانی بو فرقتده پریشان اولدی
رهبرینده گوزی ملت کیمی گریان اولدی
بوآغیر غمده نئجه اشکی یوزه باغلامیاخ؟!
ئولدی سردار شجاعت، نجه بیر آغلامیاخ !
آغلاروخ یاره لی سرداریمیزین نیسگیلینه
قان دولان گوزلرینه،بیرده قطع اولموش الینه
بارماقیندا ئوزوگه باخدیم، هم او مقتلینه
یادیمه سالدی حسینون او کسیلمیش الینی
کربلاده آقامین قان بزیین مقتلینی
تک یخلمیشدی او میداندا کمکلر یوخودی
دورسینده اوخ آتان،نیزه ورانلار چوخودی
سینه سینده دوزولن سینه و خنجر اوخودی
گوردی عرش اهلی دئدی یاره لی جسمین، ایوای
فاطمه سسلدی معناده حسینیم لای لای
لایلای ای جسمی یارا ،نور دوعینیم لایلای
بو چوله لرزه سالان شیون و شینیم لایلای
آی منیم الده ئولن بیکس حسینیم لایلای
بو چوخور یئرده یاتان جانیوه زهرا قربان
یارالاروننان آخان قانیوه زهرا قربان
- سه شنبه
- 9
- دی
- 1399
- ساعت
- 19:58
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه