مزارون اوسته هر گجه گلرم
سرشک غم گوزلریمدن الرم
سندن اولان گونلری یاد ایدرم
بو یرده قویوب روحومی گیدرم
کاش ایویمده قالیدن
باشا سایه سالیدون
بالالار غملننده
گویلوللرین آلیدون
لایلای سنه دیرم
آهو کیمی ملرم
ویرنده غسلون سنه چوخ آغلادیم
اورک یارالی سینوه داغلادیم
گوردوم گولوم خار الینده سولوبدی
قاپی یاناندا هر اولان اولوبدی
ظلم اولدی بد نفسدن
دوشدون آخر نفسدن
پهلو سینه یارالی
اوچدی روحون قفسدن
لایلای سنه دیرم
آهو کیمی ملرم
سن کیمی ایشقلی اولدوزوم باتوب
آغلیوب بالالار یورولوب یاتوب
قویولارا دردیمی من دیرم
گلوب بویره هرگجه گیدرم
ظلم ایتدی ثانی عیان
بهاریم اولدی خزان
قلبیم ایله داریخور
یوخ بوغمیمده یانان
لایلای سنه دیرم
آهو کیمی ملرم
ثانی ستمی ایتدی قدیوی خم
خیاط اَلَم بیچدی جامۀ غم
صورتوی من ئوزوم قویدوم قبره
علی اگوب باش قضائیله جبره
دفنون اولدی گجه
قویمادوم قالسون گئجه
مسمار باتدی سینوه
دوزدون اودرده نجه
لایلای سنه دیرم
آهو کیمی ملرم
من گل و گلزاری سولان باغبان
سن فاطمه مهد وفادن نشان
جام ولایتدن ایچن پیمانه
عاشق اولار منه سنه فرزانه
( عدلیده) وارعلاقه
یانار غم فراقه
ایستسه گر کربلا
دعوت ایله عراقه
لایلای سنه دیرم
آهو کیمی ملرم
- جمعه
- 12
- دی
- 1399
- ساعت
- 22:54
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه