این اشعار 52 سال قبل به قلم استاد حاج اسماعیل فرشی ازهر(غمخوار تبریزی )
به رشته تحریر در آمده بر این استاد بزرگوار از درگاه احدیت صحت و سلامتی و طول عمر با عزت خواهانم
اصغر فرشچی (عدلی تبریزی)
منظور از قیام خونین حضرت امام حسین(ع) و یاران با وفایش
اگرکرب وبلا دشتینده یاران
ایله محشرنمایان اولماسیدی
تمام عالم لرین فُلک نجا تی
دچارغرق طوفان اولماسیدی
ایله ایفا ایدن عهد السته
سماوات اهلی حیران اولماسـیدی
آتان گوزدن تمام ماسوانی
ایله محبوب یزدان اولماسیدی
وجودینده به جز مهرالهی
بیرآیری مهره امکان اولماسیدی
سوزی فعلی مرامی هرجهتدن
گواهحی سبحان اولماسیدی
( ایشقلانمازدی گون تک دین اسلام )
( قیام شاه عطشان اولماسیدی )
دیمزدی کلمۀ توحیدی بیرکس
اگریتمش ایکی جان اولماسیدی
نه حُریت نه امنیت اولاردی
ایله آزاد مردان اولما سیدی
تاپاردی دینه ال بیگانه الر
اولاردین اوسته قربان اولماسیدی
یاتاردی پرچم اسلام وقرآن
او قانلار زیب میدان اولماسیدی
گیدردی حُرمت دین مقدس
حسین گرقانه غلطان اولماسیدی
دوتاردی عالم اسلامی ظلمت
مرام پاکی اعلان اولماسیدی
یخاردی ظلم الی قرآنیانی
حسین قربان قرآن اولما سیدی
اثرقالمازدی دنیاده وفادن
(امان )عباسه اعلان اولماسیدی
اوتوزمین لشکری یکسریخاردی
مطیع حکم جانان اولماسیدی
سویی یکسر خیامه باغلاداردی
حسینیندن اوفرمان اولماسیدی
اگر قاسم وجودی قطعه قطعه
ایاقلارآتدا یکسان اولماسیدی
تمام کون وامکان آغلامازدی
اونون طوی حجله سی قان اولماسیدی
علی اکبری شاه شهیدین
گیدوب آلقانه غلطان اولماسیدی
چخاردی دینیدن چوخلی جوانلار
ایله بیرجوهر جان اولماسیدی
سولاردی گلشن دین مقدس
علی اصغرعطشان اولما سـیدی
دگردی روح اسلامه چوخ اوخلار
بوغازیندا اوپیکان اولما سیدی
بویاردی دینی آیری رنگه اغیار
آغ اونّیک قانه الوان اولماسیدی
قیلانمازدی نمازآسوده خاطر
او چولده گروضو قان اولماسیدی
نماز اولمازدی قائم بو جهـاندا
نمازاوسته فدا جان اولماسیدی
یخاردی رکن دینی فوج دشمن
او شه گرتیرباران اولماسـیدی
دل اسلامی تیرکین دلردی
حسینین جسمی شان شان اولماسیدی
بو تشکیلات دین یکسـریاتاردی
بلا دشتی قیزل قان اولما سیدی
حجابین آیه سین یکسـر داناردی
اگر سـرکوب اوعدوان اولماسیدی
جهان نار جهالتده یاناردی
خیم ظلمیله تالان اولماسیدی
نه مسجدلرقالاردی نه تکایا
یانان مخیمده افغان اولماسـیدی
نه پرچم لر اسردی نه بوسسلر
ایله شام غریبان اولماسـیدی
گیدردی دین سرشاه شهیدان
ایشق گون تک نمایان اولماسـیدی
اوخونمازدی کلام الله جهـاندا
جداده صوت قرآن اولماسـیدی
یخلمازدی ایله ظلمون ، بناسی
او باش گرسنگ باران اولماسـیدی
دوشردی اهل دین باشی اشاقه
گیدوب کول اوسته مهمان اولماسیدی
قالاردی سیردن تبلیغ اسـلام
او دلخسـته اسیران اولما سیدی
جهاندا امرنهی اولموشدی متروک
ایله تبلیغ شایان اولماسیدی
ایدنمزدی حقین بیر کیمسه اثبات
حسین قیزلاری گریان اولماسیدی
جهاندا بیر نفر یاتمازدی راحت
اگر شام ایچره افغان اولماسـیدی
یزید اوز ظلمنه پرده چکردی
رقیه دیده گریان اولماسـیدی
دوتاردی یر یوزون کفـروظلالت
یزیدین کاخی ویران اولماسیدی
دایاندی خامه اوت دوتدی صحـیفه
یانوردی اشک چشـمان اولماسیدی
یازانمازدون بله بیـرمدح غمخوار
آقاندان لطف شایان اولماسیدی
- جمعه
- 12
- دی
- 1399
- ساعت
- 23:0
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه