ای خواهر سلطان دین رضا " سلام اولسون سنه
قـبری محّل نماز و دعـا " سلام اولسون سنه
ای مدفنی شهر قُم جلالتده مدینه مقام
ای خواهرامام دخترامام عمۀ امام
نام مبارکی معصومه فرقته ایدن دوام
ای آفتاب عصمت و حیا" سلام اولسون سنه
ای بارگاهی شیعیانه بیر گوزل حصین اولان
ای چاره ساز دردمندان و اهل یقین اولان
ای قارداشیله آتاسی امام مسلمین اولان
قبر پاکی مطاف اولیا" سلام اولسون سنه
مِهرولایتون اهل ولایه حَبلُ المتین دور
زائر سنه اولان ملائک و روحُ الامین دور
لطف و کرامتوندن کویر قم خلد برین دور
ای خاتون مُلکِ ارض و سَما"سلام اولسون سنه
ایثارو وفا حیطه سینده مثل زینب قارداشا
ای مقام و عزّ و جاهی فاطمی باشدان باشا
عشق برادر آیرودی وطندن سالدی داغ داشا
ای پاک تربتی درده دوا " سلام اولسون سنه
مشعل افروز بارگاهون آ فتاب و ماه دور
روح القدس ملائکیلن دربان بارگاه دور
قبرونده ملتمس اولان شاهان عالی جاه دور
ای آستانه سی دارالشفا " سلام اولسون سنه
ای مُطهّر قبرینون بوی عطری عطر کربلا
کیم ایلسه دعا اویرده حاجتی اولار روا
جزا گونونده شفیعه اول( عدلیه)جانِ رضا
دخت زهرا حبیبۀ خدا سلام اولسون سنه
- جمعه
- 12
- دی
- 1399
- ساعت
- 23:4
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه