سبک: سن آغلوسان من دوزنمورم آغلاما علی لایلای...
خداحافظ ای آنام باجی ....
سالوبدی صیّاد اجل ، قارداشیم منی دامه
غریب یرده جانویرورم ،گوندوزوم دونوب شامه
گلوب اجل سراقیمه
یتوبدی جان دوداقیمه
گوزلورم یولون قارداش(2)
چکوبدی عشقون مدینه دن ، چوللره منی سالدی
یتیشدیم ایرندا ساویه ، قلبیمی اَ لَم آلدی
اوگوندن اولدوم مریضه حال، حالیم هر حالا قالدی
امید ویرور بو الیمده کی، منه یازدوقون نامه
یالاندی بو من دسم اگر ،فرقته دوزوم واردی
بو غربت ایچره آدامسیزام، آغلیین گوزوم واردی
سنی جواداوغلوون جانی، گل سنه سوزوم واردی
گلوب بو شهره منی گور ،خاتمه ویر آلامه
گل او گلن یوللاروا ، باشیمی ویروم شاباش
یانور اورک بو دردیمه ، گوز توکور یوزه قانیاش
منی اوزون مزاره قوی ، یوخدی محرمیم قارداش
ویراخ فضلیت بو یرده بیز، حکم دین اسلامه
بو گلشن عشقیمه منیم، صرصر خزان اسدی
ایدوبدی ویرا ن بو گویلومی، بلبلون سسین کسدی
بو عمر کوتهون دئدی ، آنا تک سنه بسدی
گلوب سنی من گورنمدیم ، حیف اولا بو ایّامه
دیار طوسه گلنمدیم، قالدی دلده بو حسرت
گورنمسم گل جمالووی ، اولماسا منه قسمت
مزاریده منله دفن اولار، داغ بویی غم و مِحنت
گییر سنون شیعه لرون ، اگنینه قرا جامه
خانم عزا ساخلیوب سنه ، نوحه خوان اولوب (عدلی)
یازانموری نوحۀ حزین ناتوان اولوب (عدلی)
برات آلانمور زیارته، باغریقان اولوب (عدلی)
عنایت ایله خانم اوزون، پرتوان اولا خامه
- جمعه
- 12
- دی
- 1399
- ساعت
- 23:6
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه