گنهکار عاقبت اعمالینه بیزار اولار
بارسنگین گنهدن سر به زیرو خوار اولار
مزرع دل تخم نیکی ایستوری اک تخم نیک
کیمسه اکسه بول درخت عُمر اونا پُر بار اولار
مهرون آرتق ایت بوخلقه زشتیلردن گز اوزاق
گورمحبتّدن عزیزیم جانی دشمن یار اولار
همنشینون باب ایله بد ذاته اولما هم کلام
کیمسه اولسا هم نشینی عاقبت بد کار اولار
هرگناه ایتدون کیچیک سانما نظرده باطنا
ذره ذره بیر یره گر جمع اولا خروار اولار
آبرون حیثیّتون کرداریوه وابسته دی
قلب روشن هرگناهه هر زمان بیمار اولار
قلبوون آئینه سین سیل صیقل ایت باخ عکسیوه
توز دو توبدور پاک ایله گرنه شمایل تار اولار
نفس حیوانیدن اَل چک نفس انساندان یاپوش
کیمسه انسان اولسا جانا شهرۀ بازار اولار
سالک راه حقیقتسن اگر اولماز غمون
یوم محشر ظلمت اولسا یول سنه هموار اولار
خواب غفلتده یاتوبسان گر اویان جان عزیز
بیرگونی وار دور قاباغدا هریاتان بیداراولار
نیک و بد اعمالیوه ذرّه اولا وار دور جزا
آگه اول قارداش " اوغول " محشرگونی اغیار اولار
مالک یوم جزا عادلدی رحمان وکریم
حکم ایدر تک تک خلایق محضره احضار اولار
یاخشی پیس اعمالیوه سنجش ایدللر (عدلیا)
کفّه میزانیده یاخشی عمل پُر بار اولار
- شنبه
- 13
- دی
- 1399
- ساعت
- 23:52
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه