صفا بخش دلان یابن الحسن گل
بو هجراندان بدن بیماراولوبدی
یتیش امداده گل عاشقلرون گور
زمان غیبتونده خوار اولوبدی
شفا بخش دل دلداده لرگل
بو شیعه دوزماقا ناچار اولوبدی
بیرعده ظلم و افساده اَل آچدی
دینی ایمانی پول دینار اولوبدی
وئرور ناهی نصیحت آننامور سوز
دیور اعمالینه وادار اولوبدی
گلستان گُللری سولدی چمنده
داخی گُل آچموری بی بار اولوبدی
گَل ای مظلوم لارین حقین آلان گَل
ره ظلم و جفا هموار اولوبدی
گَل ای گلزار عشقین تک گُلی گَل
پوزولدی گلستان پرخار اولوبدی
ریا و فتنه یا صاحب زمن گَل
جهاندا رونق بازاراولوبدی
یگانه آبروی مسلمین گل
معلّم(عدلی) چوخ بی یار اولوبدی
- یکشنبه
- 14
- دی
- 1399
- ساعت
- 22:26
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه