ثاری ثارالله اولان قرآنه قربان يا حسين
ای هدايت چرخنه بيرماه تابان يا حسين
ايستيوب الله منی تا من هواخواهون اولام
عشقيوه پابستيم وار منده ايمان يا حسين
مين جانيم اولسا اگر جانيم فدا جانانيمه
ای صفا بخش قلوب ای جان جانان يا حسين
اولموشام خاك نشينِ درِ‌ِ درگاهون آقا
ای عزاخانه لری روضۀ رضوان يا حسين
فاطمه عطرِی گلر هر یرده وار بزم عزا
واردی مجلسده حضوری چون پريشان يا حسين
من قاپوندا خادمم واضحدی كه خادم منه
خاذن جنّت مطيع امر وفرمان يا حسين
باش يارلی نيزه ده قرآن تلاوت ايلدون
ای ياراسی گُل باشيندا لاله نُعمان ياحسين
بسكه ماتم زديم فاطمه اوغلی سنه من
كربلا جلوه نورگلشن ويران يا حسين
جور دشمن چمن و گلشنوی ايتدی خزان
گوز ياشی اولدی منه ابر بهاران يا حسين
نيليوم خسته دی دل غملرين اوستونده منيم
بو وفا رسميدی دردون منه درمان يا حسين
دِيدون ای حرمله سو ويربالاما ياندی بالام
اوخ آتوب ويردی جواب شعبه لی پيكان ياحسين
قان سپولدی گويه گر قطره سی گلسيدی يره
بر هم اولموشدی كواكب كون و امكان يا حسين
(عدليم) اصغريوين جانينه قرباندی جانيم
غملی محفلده ديين نوحوی گريان يا حسين
بیر مریضه ام وارشها دردی اورك ياندوروری
ايسته اللهدان ايده دردينه درمان يا حسين
- چهارشنبه
- 17
- دی
- 1399
- ساعت
- 18:28
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه