ای باب المُرادِ شاه و گدا سلام اولسون سنه
ای قُمدا بقیع ِ اهل بکا سلام اولسون سنه
ای مدفنی شهر قُم جلالتده مدینه مقام
ای خواهرامام و دخترامام و عمۀ امام
ای نام مبارکی معصومه فرقته ایدن دوام
ای آفتاب عصمت و حیا" سلام اولسون سنه
ای بارگاهی شیعیانه بیر گوزل حصین اولان
ای وجودوندان کویر قم خلد برین اولان
ای چاره ساز دردمندان و اهل یقین اولان
ای باب المُرادِ شاه و گدا " سلام اولسون سنه
ای مِهرولایتی شیعه لره حَبلُ المتین اولان
ای ضریحی استلام و دعای مسلمین اولان
ای زائری ملائک و جبریل امین اولان
ای خاتون مُلکِ ارض و سَما"سلام اولسون سنه
ای محبّت حیطه سینده مثل زینب قارداشا
ای مقام و عزّ و جاهی فاطمی باشدان باشا
ای دوشن آیری وطندن قارداش اوسته داغ داشا
ای قُمدا بقیع ِ اهل بکا " سلام اولسون سنه
مشعل افروز درگهون آفتاب و ماه دورخانم
روح القدس ملائکیلن دربان بارگاه دورخانم
حریموه پاسبان اولان گدا و شاه دور خانم
ای محبوبۀ حبیب خدا" سلام اولسون سنه
ای مُطهّر ضریحونو ن عطری عطر کربلا
حاجت روا اولوراو یرده کیم ایلسه دعا
یوم الحساب شفیعه اول( عدلیه)جانِ رضا
سنس شفیعۀ روز جزا" سلام اولسون سنه
- چهارشنبه
- 17
- دی
- 1399
- ساعت
- 22:49
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه