مهدیا وارگوزده اشگ غربتیم
مونس دل همسرای خلوتیم
محرمِ جان وارسوزوم بو سینه ده
منتظر دور گوزلریم آدینه ده
خون دلدور چون غذا فکریم منیم
مهدیا گل جمله سی ذکریم منیم
دل جانا گلدی مکان و دهریده
دوز اوزَنمُور هربالیق بیربحریده
گل بیرعدّه ترک پیمان ایتدیلر
عادت دیرینه عنوان ایتد یتلر
زینت خوان اولدی ابلیس لقمه سی
نفسی توئلور بو شیاطین حربه سی
سعی ایدورمغفول اولان حق کیش اولا
پاک و اطهر سفره لر چرکین اولا
اهل حق مظلوم اولوبدی مهدیا
درگه حقّه آچوب دست دُعا
جُمعه لروارعالم ایچره بو صدا
امرایله مهدی ظهور ایتسون خدا
عاشقانون اولدولارخونین جگر
ایسته ظلمت تا گیده اولسون سحر
سن حقیقتسن حقیقت زنده دی
رحمتون بو عالمه پاینده دی
****
ای برادر آخماسون بو گوزیاشون
گوش جان ویرگورنه سویلور قارداشون
تا گلین جان مهدی صاحب زمان
درک و فهمی آرتوراخ ای عاشقان
هر ایشونده خالقون ناظردی بول
هاردا اولسان سنله وار حاضردی بول
هر عملده وجدانون قاضی ایله
حُسن ظنّه روح وجان راضی ایله
سنه منله اصل لر پیدا اولار
کان غیرت نسل لر پیدا اولار
نوجوانه پایه حالِ پیردور
امرونهیه بولمه هرپیرسیردور
غم یمه دنیا چکه تیغ دورو
جاهل وعاقل ردیف ده روبرو
فتنه لر دشمن نقدربر پا ایدر
عاقبت والله اوزون رسوا ایدر
ظلمت ایتسه گویلری ابر تمام
شیرمردانه یوخی اولدی حرام
نی برادر عرصه نی خالی ایداخ
حق فروشه مست و دلالی ایداخ
قویمیاخ بو روحو موز اولسون ضعیف
شیطان اولماز مؤمنه هرگز حریف
تن قفسدی سند یرار بیرگون اجل
هرنه یالوارسان سنه قویماز محل
قصه لربی پرده دور روز حساب
شرمسار ایلر بیزی سوز عتاب
سّرمخفی آسان اولماز هر کسه
اولماز هرگز فصل پرور بیر کسه
ال اله ویرساخ اگر ای دوستان
مطمئن اول خار اولار گل بوستان
(عدلی) ایلور سیزلره بو نوع ندا
ایلیاخ مهدی ظهورینده دعا
- جمعه
- 19
- دی
- 1399
- ساعت
- 22:11
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه