بوگون اولدی قیامت محشردن بیرعلامت
علی شاه ولایـت غـرق خون اولدی
عـلی نمازاوسته باش یارا شکـسته
آخورقان پیوسته محرابی دولدی
بابام ایوای ایوای ایوای بابام
گیتدی قـویدی حیران عارف لری عـطـشان
یـتیم لری نالان مولا سیز قالدی
انیس درد وغـم هـربی کـسه هـمدم
سنیق دله مرهـم گلشن سارالدی
جان ویـروبدی غـیرت سُست اولدی عـدالت
باشلاندی غـم مِحنت دنیا قارالدی
سجدیه باش قویدی محرابه قان دولدی
باغ وگلی سولدی بابا واویلا
بابام ایوای ایوای ایوای بابام
عا لمینه سلطان هم ناطق قرآن
حـق دینینه قربان چکدی چوخ فشار
حقه رازونیازی عـلی شاه حجازی
برپا ایدن نمازی دینه افـتخار
بش بالاسی آغلورزینب سینه داغلور
اشگین یوزه باغلوراولوب اشگبار
دیوری واویلا گون تک باتان بابا
منی قویدون تنها بابا واویلا
بابام ایوای ایوای ایوای بابام
صبریمی غم آلوب درده منی سالوب
یتیملرآج قالوب گوزیاشی اَلَر
اوزون گیتدون مهمان زینب سنه قربان
عاشق لرون گـریان آهوتک ملر
دونی قلبیم قانه گللم من افغانه
شرردوشوب جانه هرشام و سحر
خالقه مهمانیم حق دینه قربانیم
عاشق جانبازیم با با واویلا
بابام ایوای ایوای ایوای بابام
چوخ اولویدی صبرین گیزلیندی بوقبرین
امّا گلورعـطرین وارچوخ صفاسـی
گیدن ای عـقبایه جنّت المأوایه
دوشموشـم غوغایه دینون فـداسی
حـسنینون آغلار سکینه سینه داغلار
غـم اوسته غـم باغلار واردورنواسی
آیرولان گلشـندن بلبل گل چمندن
دویمادوم من سندن بابا واویلا
بابام ایوای ایوای ایوای بابام
بابا حسین قارداش توکورگوزدن قانیاش
اوللام اونا یولداش کربوبلاده
شمرباشین کسسه صرصرظلم اسـسه
قلبیم درده گلـسه گللم فـریاده
گونوم دونر شامه غم یتمزاتمامه
زینب گیدرشامه یولی پیاده
قبریده یات راحت یوخ زینبه فرصت
باشلاندی مصیبت بابا واویلا
بابام ایوای ایوای ایوای بابام
- جمعه
- 19
- دی
- 1399
- ساعت
- 23:25
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه