اي منه گونده گونوم هر گجمه ماه اولان
ياتما دور دوشمه خسوفه اورگي قانلا دولان
يارالي اي سو كنارينده لب عطشان يارلي
اي ويرن وار يوخوني دينينه قربان يارالي
نروا گل بدنون قانلي تراب اوسته قالوب
بو حالون زينبوي دور نجه گور حاله سالوب
قوي ديوم من علني قتلگهونده قوجالوب
واي حسينيم ديرم گل كيمي خندان اولونان
يارالي اي سو كنارينده لب عطشان يارلي
اي ويرن وار يوخوني دينينه قربان يارالي
باش باشا جسم شريفونده بو اوخلار دوزولوب
نيزه خنجر ويرولوب قان ياراسندان سوزولوب
مجبورام شامه گيدم دور اليم الدن اوزولوب
قانلي صحراني ايدن عطر يله اي باغ جنان
دور حسين بيرجه دانش درديوي من ديلدن آلوم
گون دوشور ياره لرون اوستونه من سايه سالوم
مكتب عشق آچوبسان بو بياباندا قالوم
رسم دور بو ويرولر هركسيلن قربانا سو
كاش دونيدي او آخان چوللره وقتي قانا سو
چوخ گلايم وار اخا من بو سودان گر قانا سو
ويرميوب لرسنه سو اي قوري ير لرده ياتان
باشوي شمركسنده نه حالا قالديم حسين
سينمه درد و غمون داغ كيمي من الديم حسين
حنجرون خنجراوپن وقته قوجالديم من حسين
قانينه غلطان اولان زينبينـي درده سالان
سسلديم شمره سو وير اولما رضا تشنه اُله
يتميديم مقصديمه گلمه دي منظوريم اَله
سوسوز اولدوردي سني سو جريان تاپدي چوله
چوله آخدوقجا آخان سو ايلدي باغريمي قان
گوندوزي خسته اولان قزلاري يغديم باشما
اذن ويردي يغشانلار هاموسي گوز ياشينا
آغلاديم آغلاديلار مظلوم اولان قارداشما
ساخلاديم شام غريبان سنه اي قانه باتان
يولانور شامه قطار گتماقا ناچارم حسين
آغلورام قويموري بو شمره گرفتارم حسين
ده سوزون واردي اگرمحرم اسرارم حسين
ريشة دينه ويرن قانيني اي كامه چاتان
بو قانون محكم ايدر پاية قرآني حسين
نهضتون صادر اولاردولدوري دنياني حسين
اهل دين تحسين ايدرسنكمي سلطاني حسين
قويمادون دينيوه بدعت قويولا شاه زمان
«عدلي» ياز نوحوي تدريس ايله قرآنيوي سن
گون به گون محكم ايله صدقيله ايمانوي سن
فرضدور زينبه تكرار ايله عنوانوي سن
ياتما دور دوشمه خسوفه اورگي قانلا دولان
- شنبه
- 20
- دی
- 1399
- ساعت
- 19:53
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه