دانیشوردی بو سوزی شَمعیله پروانه گجه
یانورام عشقه گورَه شعله ی سوزانه گجه
سحر اولسا دونَه جَکدور کولَه یورقون بَدنیم
وَصل یاره گئدورم هَر یِره هَر یانه گجه
من دِیردیم که منیم تَک یانان اولماز ، دایانا
سَس سِیز عالمده یانا عشقیده مردانه گجه
گوردوم اَمّا بو گجه بیر آدی دِیللَر سوزودی
پیشوازینده دوروب موکَب شاهانه گجه
قَدمیلن ائله بیل عشقه گتورمیش گِنه جان
جانَه جانان باخور ، جانیدَه جانانَه گجه
بو گَلن عاشقه باخ ،عشق اونا آواره قالوب
قِیسی مَجنون ائلیوب ،لِیلینی دیوانه گجه
باشلارا آیری هوا گلدی اونون شوقیندن
ساقی عشقه دِیون گَزدیرَه پیمانه گجه
من دِیَن عاشق اَزلدن نِجه گور عشقه یانور
دولانوردی باشینا عشق ئوزی مستانه گجه
(نادرا)خوشدی اگر حضرت عشقه یازاسان
بَزم خَلوت قوراسان سنده غَریبانه گجه
- یکشنبه
- 21
- دی
- 1399
- ساعت
- 11:7
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه