بیرده کِچن زمانه مَحال اَمریدور گَله
آخر گونومده حسرتم اول روز اَوّله
گلدیم اوگون که حضرت زهرایه من گَلین
بخت اولدی یار ائللَر اَرا دوشدی هَلهله
ایللَر بو ائوده سایووَه من دالدالانمیشام
غملر منیم حَریمیمه چوخ تاپدی فاصله
حق پای وئروبدی بیرقزیلان بیراوغول منه
باشیم اوجالدی حاصل عمریم گلوب اَله
کرب و بلاده آلدی فلک بو خانیم لِیقی
ماتم مَحافلینده دوشوبدور آدیم دیلَه
ششماهه اوغلوما اوگونی صود وئرنمَدیم
مندن کوسوبدی خوردا غَزالیم دوشوب چولَه
سن بیر ایچیم سو ایستدون اَمّا تاپیلمادی
اوچ پر اوخیلا سینه می بوش قویدی حرمَلَه
ایندی اَلیم دعاده دی هر صبح و شام آقا
شرمنده اولماسین هِچ آنا من کیمی بلَه
قالدی رقیّه بوش بشیگی تَرپه دن بالام
اولمیشدی یولدا زنگ قطار اول قَرا گِلَه
صیّاد روزگار اونیدا چوخ گوروب منه
چیخدی اَلیم بوشا گِنه گلدیم بو منزلَه
گونلَر ائوینده بختی قرا بیر عَزالیم
قانلی قُماطی هِی آچارام باغلارام هَله
لایلای دیلمده دور ولی من آغلارام سنه
شاید اَجل گَله گوزومون یاشینی سیلَه
خوف ائتمه(نادرا) سنی توش ائتسه حادثات
لایلای چال اصغره ائله سون چاره مُشکله
- یکشنبه
- 21
- دی
- 1399
- ساعت
- 11:28
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه