غروب ایلوب ایشیقلی اولدوزوم الله
ال اوسته اوخلانوب املک قوزوم الله
شیرین لای لای دیدیم شیرین لبیم یاتدی
اویاتماقدا ولی گوزدن منی آتدی
اوخ آتماقدا عدو مقصودینه چاتدی
ال اوسته اوخلانوب املک قوزوم الله
بهار فصلی گوزوم اشک غمه دولدی
خزان گلدی گلستاندا گلوم سولدی
ندوم الله من زاره اولان اولدی
ال اوسته اوخلانوب املک قوزوم الله
ددیم گهواره ده چوخ ال ایاق چالما
بله چیرپینما قونلان طاقتیم آلما
من بی چاره نی خالدان حالا سالما
ال اوسته اوخلانوب املک قوزوم الله
گوزل کفلیک اگر چخسا یواسیندان
امان تاپماز شکارچیلار قواسیندان
گوزوم قورخوب عمر سعدین جفاسیندان
ال اوسته اوخلانوب املک قوزوم الله
او بلبل که یاشاردی گل بوداقیندا
اوچوب قویدی ننه سین خار ایاقیندا
بالام عطشان گزردی سو سراغیندا
ال اوسته اوخلانوب املک قوزوم الله
جانیم اصغر گوزوم اصغر نازیم اصغر
منیم ای آلتی آیلیق سربازیم اصغر
ندوم بیله یازیلمشدی یازیم اصغر
ال اوسته اوخلانوب املک قوزوم الله
یامان دشمن اونی تشبیه ایدوب شیره
اودورحلقین نشان ایلوب سه پر تیره
کیمیم واردی علاج ایتسین بو دلگیره
ال اوسته اوخلانوب املک قوزوم الله
- پنج شنبه
- 21
- مرداد
- 1400
- ساعت
- 12:20
- نوشته شده توسط
- یوسف اکبری
ارسال دیدگاه