اِئتمیشم جانیمی ئوز عشقیمه تَنخواه ئولورم
سون نَفَسده منی گَل درک اِئله ای ماه ئولورم
گر چه مَخلوقه نَفَسدور بو حَیاتون سببی
یورقونام من بو نَفَسدن چکورم آه ئولورم
رشتهء عمریم اولوب رشتهء زُلفونده اسیر
او مُطَوَّلدی ولی اولدی بو کوتاه ئولورم
بو یالان سوزدی دیوللر هَرَه بیر یول ئوله جک
کوی معشوقه دوشنده یولوم هَرگاه ئولورم
نیلیوم چاره نَدور کاسهء صبریم جالانور
سیر اَیّام منه اولمادی دلخواه ئولورم
یولووُن اوسته سنون گورمیش اَغیاری گزور
کافرستاندادا اولماز بِله گمراه ، ئولورم
دولت حُسنووه قورخوم بودی آفت یتیشه
بد نظردن گوزووی گوزله سین الله ، ئولورم
(نادر) عشقیله یاراشماز اولا دنیا هَوسی
کورپی اوسته نَه روا خیمه و خَرگاه ،ئولورم
- یکشنبه
- 21
- دی
- 1399
- ساعت
- 22:35
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه