عمری قویدوم ساتماقا اولدی خریدار انتظار
تُحفه گوندردی منه هم آه و هم زار انتظار
اوندا باخدیم جَرگهء عُشاقه گوردوم یان یانا
آغلاشور هر شیخ وشاب هم اوردا آغلار انتظار
دین و آئینیمدی اَلسّاعَه منیم یول گوزلمک
نیلیوم وَصله اولوبدور قیمت یار انتظار
بیلمدیم آخرنِجه دوشدوم بو کوی عشقه من
من هارا بو عشق هارا ائتدی گرفتار انتظار
غنچالار آچدی پوزولدی چاتمادی هجران باشا
چوللَری مین یولدان آرتوخ ائتدی گُلزار انتظار
لیل تاره دوندی بو گوندوزلریمده چاره یوخ
من خوشام گر ائتسه ده قسمت منه دار انتظار
چوخ گجه گوندوزلری (نادر) تمنّاده یانار
اولماسا خالص اگر ایلَر اونی خوار انتظار
- یکشنبه
- 21
- دی
- 1399
- ساعت
- 22:40
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه