پنج دی،رهبریمیز روح خدا ویردی پیام
هر فرودگاهدا گرک،پایه اولا،اصل نظام
مستقر اولدی سپاه علوی،یار امام
گوندرور ایندی هامی روحینه هر گونده سلام
بیز سپاهی لری هر صحنه ده رافع تانیروخ
حرم_ زینبه _عالمده _مدافع_ تانیروخ
نه دی،رهرو پیغمبره عزت گونودی
یاور رهبره،یازدیم که ولایت گونودی
طبق فرمایش رهبر،دی،بصیرت گونودی
فتنه و فتنه گره،دهریده ذلت گونودی
چوخلاری چونکه او گون موضعین ایتدی علنی
وویردی ملت نجه گور فتنه گره ،تودهنی
چوخلاری فتنه ده،گوردوزکه اوجالدیردی سسین
دشمن داخلی و خارجی شورش ائلسین!
گلشنون ایتدی جدا،الله ئوزی خار و خسین
جلبکون،نطفه ده،باخ گور نجه کسدی،نفسین
اوجادی پرچمی هر یرده علی مملکتی
عرصه ده خوار ائلدی دشمن شیطان صفتی
قلبیلر،یابن الحسن غرقیدی آه و فغانا
نیه آذربایجان شیعه سی غلطاندی قانا؟
داده گل حجت حق،ایله کمک ناردارانا
باخ نیجریه ده حق طالبی پیر و جوانا
لفظ مظلومی گورن هانسی بیر آئینه یازیم؟
یمن و شامیله،بحرین و فلسطینه یازیم
یاز قلم،اوخدی سوزون عرصه ده خصمین گوزونه
عمل ایله سن امام خامنه اینون سوزونه
مظلومون یاوری اول،سیلی ویر اعدا یوزونه
ظالمون شرینی بو برهه ده قیتر ئوزونه
یاز علی نوکریم،هموطن سلمانم
رهرو راه شهیدان و ره قرآنم
وار اگر ایرانین آدیندا جهاندا هیبت
واردی بو ئولکه ده گر هر نه بویوک شخصیت
نخبه لرون وار اگر نطقیلرینده قدرت
وار اگر کشور ایرانیده بو امنیت
شکی یوخ ای قلمیم لطف خدادندی بولار
نفس رهبر و خون شهدادندی بولار...
- دوشنبه
- 22
- دی
- 1399
- ساعت
- 19:47
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه