یثربدن ایستور آیریلا جبریله شاه دین
چون اولمادی ولی حقه اوردا بیر معین
اول گلوب بقیعه آنا قبرینه غمین
سسلندی دور بالاوي ايله بدرقه آنا
کرببلادی مقصدیمیز ايت بيزي دعا
دور سال یولا بو خانه بدوش آل هاشمی
سیل لطفیله بو گوزدن آخان قانلی یاشیمی
ایلر بلا احاطه بو یولاردا باشمی
باخ زینبون دویونجا قرا زلفینه ننه
آق زلفینن قیيدباش اولار میهمان سنه
عباسیمون اوزون قولینی اوپ دویونجا سن
کرب و بلاده قلبینی قان ایلییرمحن
دیبدن سالاراو قولارینی فوج اهرمن
قد قامتینده گرچه اوزون سروه ده چاتار
بو قامتیله خیرداجا بیر قبریده یاتار
اکبر گلوبدی سنله وداع ایلسون بوگون
یوخ دور علاجی آیریلیقا نیلسون بوگون
سنلن گلوبدی درد دیلین سویلسون بوگون
لطف ایله گل اوقانلی منایه اورکده قان
جسمیم عباده خیمه عشقه گلن زمان
ايتسون وداع سنيله گلوب قاسم حزين
مقصد اولوب عروسينه ده قانلي سرزمين
الده حنا سي گيتمه ليدي زوج مه جبين
او قانلی قتلگاه اولاجاخ حجله قاسمه
بیرخلعت الده سویلوري گل جده یاسمه
ديداروه گلوبدي ربابيله ا صغريم
ايستور وداع ايده سني بو غنچه تريم
اوچ گون سوسوز قالار لب درياده دلبريم
بو سود امرده مقتله آخر گیدر ننه
اوچ شعبه اوخ سوسوز بوغازین ذبح ایدرننه
اوغلون حسين بويولدا ولي استواريدي
وصلت يوخونلاشوب اودي كي بيقراريدي
ياره بويوك سعادت ايله وصل ياريدي
من عارفم گيدن يولا بيراهه گيتمرم
اولسم ده من يزيده ولي بيعت ايتمرم
ياز (آذرين) مديحه حسينه بيلن قدر
بو بيلديقون ده زندگووه چوخ ويررثمر
هرسايلي كرمله حسين ايتدي بختور
گيت بير قدم حسينه ساري چوخ گلرحسين
بير قطره يازديقون سوزه ؛ دريا ويرر حسين
- سه شنبه
- 23
- دی
- 1399
- ساعت
- 23:5
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه